விவசாயிகளின் பயிர் சாகுபடிக்காக தமிழகம் முழுவதும் உள்ள கூட்டுறவு வங்கிகளில் கடன் வழங்கப்படுகிறது. இருப்பினும் கடனை பெறுவதில் விவசாயிகள் பல சிரமத்தை சந்தித்து வருகிறார்கள். பயிர்கடன் வாங்குவது என்பது சிம்ம சொப்பனமாகிவிட்டது என்று விவசாயிகள் வேதனையில் இருந்தார்கள். இந்நிலையில் இதற்கெல்லாம் தீர்வாக தொடக்க வேளாண் கூட்டுறவு கடன் சங்கங்களில் விண்ணப்பித்த அன்றே பயிர்க் கடன் வழங்கும் திட்டம் டிசம்பர் மாதம் முதல் அமலுக்கு வரவுள்ளது.
இதன் முதற்கட்டமாக தர்மபுரியில் 131 தொடக்க கூட்டுறவு சங்கங்களில் இரண்டு மாதங்களுக்கு வழங்கப்பட்டது. ஆனால், மற்ற மாவட்டங்களில் விரிவாக்கம் செய்யப்படாமல் இருந்த நிலையில், உடனடி கடன்களை வழங்குவதற்கு ஏதுவாக புதிய மென்பொருள் உருவாக்கும் பணிகள் நடந்து வருவதாக அரசு விளக்கம் அளித்துள்ளது.