உத்தரபிரதேசம் மாநிலம் மதுரா மாவட்டத்தில் உள்ள ஒரு கிராமத்தை சேர்ந்த 10 வயது சிறுமி ஒருவர் தன்னுடைய சகோதரியுடன் சேர்ந்து அங்குள்ள கிணற்றுப் பகுதியில் துணி துவைப்பதற்காக சென்று உள்ளார். பிறகு துவைத்த துணிகளை சகோதரி வீட்டுக்கு கொண்டு சென்ற நிலையில் சிறுமி மீதம் இருந்த துணிகளை துவைத்துக் கொண்டிருந்தார். அப்போது அங்கு பைக்கில் வந்த இரண்டு நபர்கள் சிறுமியை கடத்திச் சென்று அப்பகுதியில் ஆள் நடமாட்டம் இல்லாத மத வழிபாட்டு தளத்திற்கு சென்றுள்ளனர். அங்கேயே வைத்து சிறுமியை கூட்டு பாலியல் வன்கொடுமை செய்துவிட்டு தப்பி சென்று விட்டனர்.
பாதிக்கப்பட்ட சிறுமி அழுது கொண்டே கிணற்றுப்பகுதிக்கு சென்றுள்ளார். பிறகு வீட்டிலிருந்து வந்த தனது சகோதரியிடம் இது குறித்து கூறிய நிலையில் அதிர்ச்சி அடைந்த அவர் உடனே தனது பெற்றோரிடம் தெரிவித்தார். இதனைத் தொடர்ந்து பெற்றோர் போலீசில் புகார் அளித்த நிலையில் போலீசார் வழக்கு பதிவு செய்து சிறுமியை பாலியல் வன்கொடுமை செய்து தப்பி சென்ற இரண்டு நபர்களை தீவிரமாக தேடி வருகின்றனர். மத வழிபாட்டுத்தளத்தில் இப்படி ஒரு சம்பவம் நடந்தது ஒட்டுமொத்த நாட்டையும் அதிர்ச்சி கொள்ளாக்கியுள்ளது..