ரஷ்யாவில் 5 வயது சிறுமி ஒருவர் தனது 21 நாட்களே ஆன தங்கையை நான்காவது மாடியின் ஜன்னலிலிருந்து தூக்கி எறிந்துள்ள சம்பவம் அதிர்ச்சியை ஏற்படுத்தியுள்ளது. தனது வீட்டிற்கு ஒரு புதிய சகோதரியின் வருகையால் அந்த சிறுமி அதிருப்தி அடைந்துள்ளார். பொறாமை மற்றும் கோபத்தால் தான் இந்த தீவிர நடவடிக்கையை அவர் எடுத்ததாகக் கூறப்படுகிறது. சம்பவம் நடந்த நேரத்தில் இரண்டு சிறுமிகளும் வீட்டில் தனியாக இருந்துள்ளார்கள். தாய் வெளியில் இருந்ததாகவும், தந்தை வேலையில் இருந்ததாகவும் கூறப்படுகிறது.
தூக்கி எறியப்பட்ட பிறந்த குழந்தை உயரத்திலிருந்து விழுந்து சம்பவ இடத்திலேயே இறந்ததாக கூறப்படுகிறது. இதுகுறித்து தகவலறிந்த போலீசார் விசாரணையைத் தொடங்கியுள்ளனர். கணவர் வேலைக்குச் சென்றிருந்தபோது, குழந்தைகளை தனியாக விட்டுச் சென்றதால் தாய் மீது குற்றம் சாட்டப்பட்டுள்ளது. இதுகுறித்து மருத்துவர்கள் கூறுகையில், “இரண்டாவது குழந்தை பிறந்த பிறகும், பெற்றோர்கள் தங்கள் மூத்த குழந்தையின் வழக்கத்தை கடுமையாக மாற்றுவதைத் தவிர்க்க வேண்டும் அவர்களின் வழக்கம் மாறினால், அவர்கள் வருத்தப்படலாம் அல்லது கோபப்படலாம். எனவே, அவர்கள் பாதுகாப்பாகவும் வசதியாகவும் உணரும் வகையில் முடிந்தவரை தங்கள் வழக்கத்தை வழக்கம்போல பராமரிக்க முயற்சி செய்யுங்கள் என்று கூறியுள்ளார்கள்.