சட்டமன்ற தேர்தலை முன்னிட்டு அனைத்து அரசியல் கட்சிகளும் தீவிரமாக களத்தில் இறங்கி பணியாற்றி வரும் நிலையில் அதிமுக மற்றும் திமுக இடையே போட்டி என்ற நிலை மாறி தற்போது விஜயும் களத்தில் இறங்கியுள்ளதால் 2026 தேர்தல் களம் பரபரப்பாக பார்க்கப்படுகிறது. தமிழக வெற்றி கழகம் தலைவர் விஜய் அடுத்தடுத்து தேர்தல் பணியில் தீவிரம் காட்டி வருகின்றார். சமீபத்தில் கரூர் விவகாரத்தில் சிக்கலில் இருந்த விஜய் அதிலிருந்து தற்போது மெல்ல மெல்ல மீண்டும் வந்து கட்சியை வலுப்படுத்தும் நோக்கத்தில் ஈடுபட்டுள்ளார்.
இந்நிலையில் அரசியல் களத்தில் விஜய்க்கு ஆதரவாக அவரது தந்தை SA சந்திரசேகரும் களமிறங்குகிறார். அதற்கான முன்னெடுப்பாகவே, N.ஆனந்த் எதிர்ப்பாளர்கள் மூவருக்கு தவெக நிர்வாக குழுவில் இடம் அளிக்கப்பட்டுள்ளதாக அரசியல் நிபுணர்கள் கூறுகின்றனர். அந்த மூவரும், விஜய்யின் தந்தையின்ஆதரவாளர்கள். கருணாநிதி, எம்ஜிஆர் ஜெயலலிதா என 3 முதல்வர்களுடன் SA சந்திரசேகர் பயணம் செய்துள்ளார். இது விஜய்க்கு பக்க பலமாக இருக்கும் என்று கூறப்படுகிறது.