ஆந்திர கரையை நெருங்கி வரும் மோன்தா புயலின் வேகமானது முன்னதாக மணிக்கு 10 கி.மீ. ஆக இருந்த நிலையில், தற்போது 15 கி.மீ. ஆக அதிகரித்துள்ளது. மேலும் இன்று (அக்.28) இரவு 11 மணிக்குள் புயல் கரையை கடக்கும் என்று இந்திய வானிலை ஆய்வு மையம் கணித்துள்ளது. இந்நிலையில் மொன்தா புயல் எதிரொலியாக புதுச்சேரி ஏனாமில் நாளை பள்ளி, கல்லூரிகளுக்கு விடுமுறை அளிக்கப்பட்டுள்ளது.
தமிழகத்தில் மழை பாதிப்பால் சென்னை, திருவள்ளூரில் இன்று பள்ளிகளுக்கு விடுமுறை அளிக்கப்பட்டது. தற்போதும் மழை நீடிப்பதால் நாளை விடுமுறை அளிப்பதற்கு மாணவர்கள், பெற்றோர்கள் கோரிக்கை விடுத்து வருகின்றனர். எனவே இதுகுறித்து மாவட்ட நிர்வாகங்கள் விரைவில் அறிவிக்க உள்ளன.