சென்னை புழுதிவாக்கம் பகுதியில் செயல்பட்டு வரும் மாநகராட்சி பள்ளி ஒன்றில் ஐந்தாம் வகுப்பு படித்து வரும் 11 வயது சிறுமியை வகுப்பறையில் பேனாவின் மையை கீழே கொட்டியதாக கூறி பல்லி தலைமை ஆசிரியை இந்திரா காந்தி கடுமையாக தாக்கியுள்ளார். தரையை துடைப்பதற்கு பயன்படுத்தப்படும் மாப் குச்சியை வைத்து சிறுமியை கடுமையாக தாக்கியுள்ளார். இதனால் சிறுமி அலறி துடித்த நிலையில் கை மற்றும் கால்களில் வீக்கம் ஏற்பட்டுள்ளது. இதனைத் தொடர்ந்து வீட்டுக்கு சென்ற சிறுமி தன் பெற்றோரிடம் இது குறித்து கூறிய நிலையில் சிறுமியின் உடலில் இருக்கும் வீக்கத்தை கண்டு பெற்றோர் பதறி துடித்தனர்.
உடனே இது தொடர்பாக சிறுமியின் குடும்பத்தினர் காவல் நிலையத்தில் புகார் அளித்தனர். இதனைத் தொடர்ந்து சிறுமியின் உடல்நிலை பாதிக்கப்பட்டதால் கிண்டியில் உள்ள மருத்துவமனையில் சிகிச்சைக்காக அனுமதிக்கப்பட்டார். இந்நிலையில் இந்த விவகாரம் தொடர்பாக துணை ரீதியாக விசாரணை நடத்தப்பட்டு சம்பந்தப்பட்ட தலைமை ஆசிரியை இந்திரா காந்தி பணியிடை நீக்கம் செய்யப்பட்டுள்ளார். இந்த சம்பவம் குறித்து போலீஸ் சார் விசாரணை நடத்தி வரும் நிலையில் இது சென்னையில் பெரும் பரபரப்பை கிளப்பி உள்ளது.