தமிழக முழுவதும் அக்டோபர் 20 நாளை தீபாவளி பண்டிகை கொண்டாடப்பட உள்ள நிலையில் மக்கள் பலரும் சொந்த ஊருக்கு படையெடுத்து வருகிறார்கள். அதே சமயம் பொதுமக்களின் வசதிக்காக அக்டோபர் 21 வரை தொடர்ந்து நான்கு நாட்கள் விடுமுறை அறிவிக்கப்பட்டுள்ளது. இதனால் குடும்பத்தோடு அனைவரும் மகிழ்ச்சியாக தீபாவளியை கொண்டாட காத்திருக்கின்றனர்.
இந்நிலையில் தீபாவளி என்று வடகிழக்கு பருவமழை அதிக அளவில் பெய்யக்கூடும் என்று வானிலை ஆய்வு மையம் கணித்துள்ளது. இதனால் தமிழகம் முழுவதும் மாநகராட்சி, நகராட்சி அதிகாரி, பொறியாளர்கள், தூய்மை பணியாளர்கள், மழை நீர் வடிகால் ஒப்பந்ததாரர்களின் ஊழியர்கள் சொந்த ஊருக்கு செல்ல வேண்டாம் என அரசு அறிவுறுத்தியுள்ளது. அந்தந்த நகராட்சி பகுதிகளிலிருந்து மழை நீர் வடிகால் பணிகளை மேற்கொள்ளுமாறு கேட்டுக் கொண்டுள்ளது.