சென்னையில் முதல்வர் கோப்பை விளையாட்டுப் போட்டி நிறைவு விழா நேற்று நடைபெற்ற நிலையில் அதில் முதல்வர் ஸ்டாலின் பங்கேற்றார். அப்போது விழாவில் உரையாற்றிய அவர், தமிழ்நாட்டுக்கு பெருமை சேர்க்கும் வகையில் துணை முதல்வர் உதயநிதி செயல்பட்டு வருவதாக பாராட்டியுள்ளார். முதல்வர் கோப்பை போட்டியில் வெல்வோருக்கு கல்வி உதவித்தொகை, வேலைவாய்ப்பு வழங்கப்படும் எனவும் அறிவித்துள்ளார்.
மேலும் அனைத்து சட்டமன்ற தொகுதிகளிலும் மினி ஸ்டேடியம், அமைக்கப்படும் என முதல்வர் ஸ்டாலின் அறிவித்துள்ளார். தமிழகம் போல் வேறு எந்த மாநிலத்திலும் விளையாட்டு வீரர்களுக்கு இதுபோன்ற உதவி கிடைப்பதில்லை என்று ஸ்டாலின் பெருமிதம் தெரிவித்தார்.