தமிழகத்தின் 2026 சட்டமன்றத் தேர்தல் நடைபெறுவதற்கு இன்னும் சில மாதங்கள் மட்டுமே உள்ளதால் தற்போது தேர்தல் களம் சூடி பிடிக்க தொடங்கிவிட்டது. ஒரு பக்கம் கூட்டணி பேச்சுவார்த்தை மறுபக்கம் உறுப்பினர் சேர்க்கை என தேர்தல் பணியில் அனைத்து கட்சிகளும் தீவிரம் காட்டி வருகின்றன. அதிமுக, திமுக, நாதக, தவெக என நான்கு முனைப்போட்டி நிலவுகிறது.
இந்நிலையில் 2026 சட்டமன்ற தேர்தலில் மக்கள் ஆதரவுடன் திமுக கூட்டணியே வெற்றி பெறும் என்று விசிக தலைவர் திருமாவளவன் கூறியுள்ளார். செய்தியாளர்களை சந்தித்து பேசிய அவர், “அதிமுக, தவெக வரிசையில் தேர்தலை மனதில் வைத்து பாஜகவும் சுற்றுப்பயணம் செய்யவுள்ளது. எத்தனை பேர் களமிறங்கினாலும் திமுக கூட்டணியே வெல்லும்” என்று கூறியுள்ளார்.