இந்தியாவில் ஒவ்வொரு மாநிலங்களிலும் உள்ள வங்கிகளுக்கு அரசு சார்பில் பொது விடுமுறை அளிக்கப்படுவது வழக்கம். அதைத் தாண்டி வார விடுமுறை நாட்கள் மற்றும் முக்கிய பண்டிகை நாட்கள் என அடுத்தடுத்த வங்கிகளுக்கு விடுமுறை அறிவிக்கப்படுகிறது. இதனால் வாடிக்கையாளர்களின் வசதிக்காக ஒவ்வொரு மாதமும் முன்னதாகவே விடுமுறை குறித்த பட்டியலை ரிசர்வ் வங்கி வெளியிட்டு வருகிறது. அதன்படி தற்போது தமிழகத்தில் அக்டோபர் மாதத்தில் 8 நாட்கள் வங்கிகளுக்கு விடுமுறை என அறிவிக்கப்பட்டுள்ளது. வழக்கம்போல அனைத்து ஞாயிற்றுக்கிழமைகளிலும் (அக்டோபர் 5, 12, 19, 26) விடுமுறையாகும்.
அதனைப் போல இரண்டாவது மற்றும் நான்காவது சனிக்கிழமைகளிலும் (அக்டோபர் 11, 25) வங்கிகள் செயல்படாது. இதனைத் தவிர்த்து அக்டோபர் 2 விஜயதசமி மற்றும் காந்தி ஜெயந்தி விடுமுறை. அடுத்து அக்டோபர் 20 தீபாவளி பண்டிகையை முன்னிட்டு அன்று விடுமுறை வருவதால் வங்கிகள் இயங்காது. இதனால் தமிழகத்தில் மொத்தம் எட்டு நாட்கள் வங்கிகளுக்கு விடுமுறையாகும். இதற்கு ஏற்ப கடன் தவணை செலுத்துதல், காசோலை தொடர்பான பணிகளை முன்கூட்டியே முடித்துக் கொள்வது நல்லது.