தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் சூழலில் அனைத்து கட்சிகளும் தீவிரமாக தேர்தல் பணியில் ஈடுபட்டு வருகின்றன. அதேசமயம் கூட்டணி குறித்த பேச்சுவார்த்தையும் விறுவிறுப்பாக நடந்து கொண்டிருக்கிறது. இந்நிலையில் கடலூர் மாவட்டம் வேப்பூர் அருகில் வருகின்ற ஜனவரி ஒன்பதாம் தேதி தேமுதிக “மக்கள் உரிமை மீட்பு மாநாடு 2.0” நடைபெறும் என்று விஜயகாந்த் பிறந்த நாளான இன்று பிரேமலதா அறிவித்துள்ளார்.
இந்த மாநாட்டில் 2026 தேர்தலுக்கான கூட்டணி மற்றும் தேர்தல் பணி உள்ளிட்ட பல்வேறு விவகாரங்கள் குறித்து முக்கிய அறிவிப்பு வெளியாக உள்ளது. இந்த மாநாட்டில் தேமுதிக நிர்வாகிகள் மற்றும் பொதுமக்கள் கலந்து கொள்ள வேண்டும் என்றும் பிரேமலதா விஜயகாந்த் அழைப்பு விடுத்துள்ளார்.