தமிழகத்தில் 2026 ஆம் ஆண்டு சட்டமன்ற தேர்தல் நெருங்கிக் கொண்டிருக்கும் நிலையில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. ஒரு பக்கம் முதல்வர் ஸ்டாலின் தன்னுடைய கூட்டணியை பலமாக வைத்துக்கொண்டு மீண்டும் திமுக ஆட்சியை நிலைநாட்டி விடலாம் என்று செயல்பட்டு வருகிறார். மறுபக்கம் பாஜக உடன் கூட்டணி வைத்துள்ள இபிஎஸ் இந்த முறை அதிமுக ஆட்சிதான் தமிழகத்தில் அமையும் என்ற நிலைப்பாடோடு உள்ளார். இருந்தாலும் அதிமுக பாஜகவுடன் கூட்டணி வைத்துள்ளது கட்சி நிர்வாகிகள் மத்தியில் அதிருப்தியை ஏற்படுத்தியுள்ளதால் முக்கிய புள்ளிகள் பலரும் மாற்று கட்சிகள் இணைந்து வருகின்றன.
இந்நிலையில் தென் மாவட்ட சுற்றுப்பயணத்தின் போது செல்லூர் ராஜுவை இபிஎஸ் தன்னுடைய காரில் ஏற்க மறுத்த வீடியோ வைரலாகி கட்சியில் குழப்பத்தை ஏற்படுத்தியது. இதனால் அவர் திமுகவில் இணைய உள்ளதாகவும் தகவல்கள் வெளியாகின. இப்படியான நிலையில் இதற்கு விளக்கம் அளித்துள்ள செல்லூர் ராஜு, பாதுகாவலர்களின் கட்டுப்பாட்டின்படியே தான் இபிஎஸ் காரில் ஏறவில்லை என்றார். மேலும் திமுகவில் தான் இணைய உள்ளதாக வெளியான தகவலில் கடுகளவும் உண்மை இல்லை என்று தெரிவித்துள்ளார்.