லோகேஷ் கனகராஜ் இயக்கத்தில் ரஜினி நடித்துள்ள திரைப்படம் தான் கூலி. சன் பிக்சர்ஸ் தயாரிப்பில் கலாநிதி மாறன் தயாரித்துள்ள இந்த படத்திற்கு அனிருத் இசை அமைத்துள்ளார். ரஜினியுடன் அமீர்கான், சத்யராஜ், நாகார்ஜுனா, ஸ்ருதிஹாசன், உபேந்திரா உள்ளிட்ட பலரும் முக்கிய கதாபாத்திரத்தில் நடித்துள்ளனர்.
இந்தப் படத்திற்கு ஏ சென்சார் சான்றிதழ் வழங்கப்பட்டுள்ளது. படத்தின் டிக்கெட் புக்கிங் கடந்த ஆகஸ்ட் எட்டாம் தேதி தொடங்கிய நிலையில் சில மணி நேரங்களிலேயே பெரும்பாலான திரையரங்குகளில் படத்தின் டிக்கெட் விற்று தீர்ந்து விட்டன. அடுத்த மூன்று நாட்களுக்கு திரையரங்குகளில் டிக்கெட்டுகள் ஹவுஸ் புல் ஆகியுள்ளது.
இதனிடையே உலகம் முழுவதும் கூலி திரைப்படம் இன்று வெளியாகி உள்ளது. ரசிகர்கள் அனைவரும் திரையரங்குகளில் பிரம்மாண்டமாக படத்தை கொண்டாடி வருகிறார்கள். இந்நிலையில் படத்தின் twitter விமர்சனம் வெளியாகி உள்ளது. அதில் முதல் பாதி பார்க்கும் அளவிற்கு நன்றாக அமைந்துள்ளது. துடிப்பான சூப்பர் ஸ்டார், ஸ்டைலிஷ் நாகர்ஜுனா, நடிகை ஸ்ருதிஹாசன் என அனைவரும் நன்றாக நடித்துள்ளனர். இடைவேளை தொகுதி மற்றும் விண்டேஜ் பாடல் பக்காவாக அமைந்துள்ளது.
சூப்பர் ஸ்டார் ரஜினி மற்றும் நாகார்ஜுனாவின் அறிமுகம் மிகவும் ஸ்டைலாக உள்ளது. சௌபிணின் கதாபாத்திர வளைவு மிக நன்றாக உள்ளது. படத்தில் இடம்பெற்றுள்ள அவருடைய காட்சிகள் அனைத்தும் நன்றாக உள்ளன. படத்தில் சில உயர் நாடகத் தருணங்கள் மட்டுமே இருந்தாலும் திரைக்கதை இருக்கும் வகையில் உள்ளது. லோகேஷ் கனகராஜ் முந்தைய படங்களுடன் ஒப்பிடும்போது இந்தப் படத்தில் சற்று குறைவாகத்தான் காட்சிகள் அமைந்துள்ளன.
இருந்தாலும் முதல் பாதையை பார்ப்பதற்கு நன்றாகவே உள்ளது. ரஜினி மொத்த படத்தையும் தன் தோள்களில் சுமப்பது போல உள்ளது. படத்தில் சலிப்பான தருணங்கள் எதுவும் இல்லை. பாடல் வரிசைப்படுத்துதல் மட்டும் சற்று குறையாக உள்ளது. காமெடி, ஹாஸ்டல் காட்சிகள் சிறப்பாக அமைந்துள்ளன. இரண்டாம் பாதியை ஒப்பிடும்போது முதல் பாதையை நன்றாகவே உள்ளது . முடிந்த அளவிற்கு படத்திற்கு பாசிட்டிவ் விமர்சனங்கள் தான் வந்துள்ளன.