அதிபர் டிரம்ப் இந்தியா உட்பட பல நாடுகளுக்கு திடீரென வரிகளை அறிவித்து உலகில் மீண்டும் பரபரப்பை ஏற்படுத்தினார். இந்தியா மீது 25% வரியை அறிவித்த அவர் வர்த்தக தடைகளை நீக்க இந்த வரி விதிக்கப்படுவதாக கூறினார். இது தவிர ரஷ்யாவில் இருந்து எண்ணெய் மற்றும் பாதுகாப்பு பொருட்களை வாங்குவதால் அபராதமும் விதிக்கப்பட்டது. இருந்தாலும் இந்த புதிய உத்தரவின் கீழ் அமெரிக்கா அனைத்து நாடுகளுக்கும் வரிவிதிப்பதை ஒரு வாரத்திற்கு ஒத்தி வைத்திருக்கிறது. அதாவது ஆகஸ்ட் 7ஆம் தேதி வரை கெடு விதிக்கப்பட்டது.
இந்த நிலையில் அடுத்த 24 மணி நேரத்தில் இந்திய பொருள்களுக்கு கூடுதல் வரி விதிக்கப்படும் என்று டிரம்ப் அறிவித்துள்ளார். வர்த்தகத்தில் அமெரிக்காவுடன் இந்தியா சிறந்த நண்பராக இல்லை என்று அமெரிக்க அதிபர் ட்ரம்ப் மீண்டும் குற்றம் சாட்டியுள்ளார்.