தமிழக சட்டசபை தேர்தலுக்கு இன்னும் பத்து மாதங்கள் மட்டுமே உள்ள நிலையில் தமிழக தேர்தல் களம் இப்போதே சூடுபிடிக்க தொடங்கிவிட்டது. அரசியல் கட்சிகள் இடையே கூட்டணி பேச்சு வார்த்தை திரைக்குப் பின்னும் முன்னும் நடந்து கொண்டிருக்கிறது. இதற்கிடையில் கட்சித்தாவலும் நடந்து வருகிறது.
அந்தவகையில் அதிமுகவின் அன்வர் ராஜா திமுகவில் இணைய உள்ளதாக கூறப்படும் நிலையில் அதிமுகவின் அடிப்படை உறுப்பினர் உட்பட அனைத்து பொறுப்புகளில் இருந்தும் அன்வர் ராஜா நீக்கம் செய்யப்பட்டுள்ளார். முதல்வர் ஸ்டாலின் தலைமையில் திமுகவில் இணைய அன்வர் ராஜா அண்ணா அறிவாலயம் வந்துள்ள நிலையில் இந்த நடவடிக்கை எடுத்துள்ளார் எடப்பாடி பழனிச்சாமி.