விஜய் டிவியில் ஒளிபரப்பாக கூடிய மிகவும் பிரபலமான நிகழ்ச்சிகளில் ஒன்று தான் நீயா நானா. பல வருடங்களாக ஒளிபரப்பாகிக் கொண்டிருக்கும் இந்த நிகழ்ச்சியை ஆரம்பத்தில் இருந்து கோபிநாத் தொகுத்து வழங்கி வருகின்றார். மற்ற நிகழ்ச்சிகளுடன் ஒப்பிடும்போது இந்த நிகழ்ச்சிக்கு ஏராளமான ரசிகர்கள் உள்ளனர்.
ஒவ்வொரு வாரமும் இந்த நிகழ்ச்சியில் புதிதாக ஏதாவது ஒரு தலைப்பு கொண்டே விவாதம் நடைபெறும். இப்படியான நிலையில் இந்த வாரம் ஒளிபரப்பாக இருக்கும் நீயா நானா நிகழ்ச்சியின் ப்ரோமோ வெளியாகி ரசிகர்களின் கவனத்தை ஈர்த்துள்ளது. அதாவது இந்த வாரம் உங்களுக்கு கல்யாணம் ஆயிடுச்சு, ஞாபகம் இருக்குதா என்ற தலைப்பில் விவாதம் நடைபெற்று உள்ளது. தனக்கு திருமணமாகிவிட்டது என்ற எண்ணம் இல்லாமல் பொறுப்பில்லாமல் இருக்கும் ஆண்களை குறித்து மனைவி விவாதம் மேற்கொண்டுள்ளார்.
இதில் மனைவி தன்னுடைய கணவர் குறித்த உண்மையை அரங்கத்தில் கூறியுள்ளார். உடனே கணவர் தன்னுடைய தவறை உணர்ந்து கண்கலங்கி அழுதது ஒட்டுமொத்த நீயா நானா அரங்கத்தையும் கலங்க வைத்தது. தற்போது அதை தொடர்பான ப்ரோமோ வீடியோ இணையத்தில் வைரலாகி வருகிறது.