இன்றைய காலகட்டத்தில் மக்கள் மத்தியில் செல்போன் பயன்பாடு என்பது அதிகமாகவே உள்ளது. அப்படி செல்போன் பயன்படுத்தும் அனைவரும் தங்கள் உறவினர்கள் மற்றும் நண்பர்களுடன் உரையாடுவதற்கு பல செயலிகளை பயன்படுத்துகிறார்கள். அதில் முதலிடத்தில் இருப்பதுதான் whatsapp. நாள்தோறும் லட்சக்கணக்கான மக்கள் whatsapp செயலியை பயன்படுத்தி வருவதால் பயனாளிகளின் வசதிக்கு ஏற்றவாறு மெட்டா நிறுவனம் புதுப்புது அப்டேட்டுகளை வழங்கி வருகிறது. அதன்படி மெட்டா நிறுவனம் whatsappல் புது அப்டேட் ஒன்றை அனைத்து பயனர்களுக்கும் அளிக்க உள்ளது.
இந்த புதிய அப்டேட் மூலம் உங்களது whatsappபில் ஒரு குறிப்பிட்ட எண்ணிக்கையிலான குறுஞ்செய்திகள் வந்ததும் ஒரு பட்டன் தோன்றும். அதைத் தொடும்போது AI உதவியுடன் உங்கள் whatsapp ல் நீங்கள் படிக்காமல் வைத்துள்ள குறுஞ்செய்திகளை சுருக்கமாக பார்க்க முடியும். இது உங்களது தனிப்பட்ட தரவுகளை சேமிக்காது. இந்த புதிய அம்சம் தற்போது ஆண்ட்ராய்டு 2.25.18.18 பீட்டா பதிப்பில் மட்டும் கிடைக்கின்றது. விரைவில் அனைத்து பயனர்களுக்கும் கிடைக்கும் என்று மெட்டா நிறுவனம் சார்பில் அறிவிக்கப்பட்டுள்ளது