இன்றைய காலகட்டத்தில் தொழில்நுட்ப வளர்ச்சிக்கு ஏற்றவாறு தினம் தோறும் புதுவிதமான மோசடி சம்பவங்களும் நடைபெற்று வருகிறது. இது தொடர்பாக அரசு என்னதான் எச்சரிக்கை விடுத்தாலும் சில மோசடிக்காரர்கள் தினம் தோறும் புதுவிதமான யுக்திகளை பயன்படுத்தி தொடர் மோசடியில் ஈடுபட்டு வருகிறார்கள். இதனால் பொதுமக்கள் கவனமாக செயல்பட வேண்டும் என்று அரசு சார்பில் தொடர்ந்து அறிவுறுத்தப்பட்டு வருகிறது. அதன்படி தற்போது வாகன ஓட்டிகளை குறிவைத்து புதுவித மோசடி ஒன்று நடைபெற்று வருவதாக சென்னை மாநகரப் போலீசார் எச்சரிக்கை விடுத்துள்ளனர்.
அதாவது சென்னை பெருநகர காவல் துறையின் (GCTP) லோபோவை பயன்படுத்தி மோசடியான whatsapp செய்திகள் பரவி வருவதாக காவல்துறை தெரிவித்துள்ளது. இந்த whatsapp செய்திகளில் போக்குவரத்து சலான் போல குறுஞ்செய்திகள் அனுப்பப்படுவதாகவும் அந்த லிங்குகளை கிளிக் செய்ய வேண்டாம் என்றும் எச்சரித்துள்ள காவல் துறை இது போன்ற செய்திகளை பெற்றால் உடனடியாக புகார் அளிக்கவும் அறிவுறுத்தியுள்ளது. எனவே உங்களுடைய போனுக்கு இது போன்ற ஏதாவது குறுஞ்செய்தி வந்தால் அதனை கிளிக் செய்யாமல் உடனே காவல் நிலையத்தில் புகார் அளிப்பதுதான் நல்லது.