சினிமாவில் எப்போதும் மாற்றம் நிகழ்ந்து கொண்டே இருக்கும். நாம் நினைப்பது நடக்காது. எந்த படம் ஓடாது என்று நினைப்போமோ அந்த படம் ஓடிவிடும். எந்த படத்திற்கு மிகுந்த எதிர்பார்ப்பு இருக்கிறதோ அது ஓடாமல் போய்விடும். எல்லாமே மக்களின் கைகளில் தான் இருக்கிறது. மக்களின் விருப்பத்திற்கு ஏற்ப படத்தை எடுத்தால் ஓடுவதற்கு வாய்ப்பு இருக்கிறது. அதற்கு சிறந்த உதாரணம் தான் சமீபத்தில் பொங்கலுக்கு வெளியான மதகஜராஜா திரைப்படம்.
12 வருடங்களுக்கு முன்னால் எடுக்கப்பட்டு சில பல காரணங்களால் இத்தனை வருடங்கள் தள்ளி போய் தற்போது தான் வெளியாகியிருக்கிறது. வெளியானது மட்டுமல்லாமல் மக்கள் அனைவரையும் சிரிக்க வைத்து வசூலிலும் சாதனை படைத்து கொண்டு இருக்கிறது. 2025 ஆம் ஆண்டில் முதல் பிளாக்பஸ்டர் படம் என்றால் அது மதகஜராஜா தான். 15 கோடி ரூபாயில் தயாரிக்கப்பட்டு தற்போது 45 கோடியை தாண்டி வசூலித்துக் கொண்டிருக்கிறது.
அதே போல் ஷங்கர் இயக்கிய கேம் சேஞ்சர் படத்திற்கும் மிகுந்த எதிர்பார்ப்பு இருந்தது. ஏனென்றால் ஷங்கர் ஏற்கனவே பிரம்மாண்ட இயக்குனர் என்று பெயர் பெற்றவர். இவரது படங்களில் பாடல்களுக்கு என்றே பிரத்தியேகமாக செட் அமைத்து பல கோடிகளில் செலவழித்து எடுப்பவர். அந்த வகையில் இந்த கேம் சேஞ்சர் படத்தை 500 கோடி ரூபாய் பட்ஜெட்டில் உருவாக்கி இருக்கிறார் ஷங்கர். இதில் நான்கு பாடல்களுக்கு மட்டுமே 75 கோடி செலவழித்துள்ளார் ஷங்கர்.
இந்த படத்திற்கு மிகுந்த ஹைப் ஏற்றி விளம்பரபடுத்தி வந்தனர் படக் குழுவினர். ஆனால் படம் எதிர்பார்த்த அளவுக்கு போகவில்லை. 500 கோடி பட்ஜெட்டில் எடுக்கப்பட்ட கேம் சேன்ஜர் திரைப்படம் தற்போது வசூலில் 200 கோடியை கூட தொடவில்லை. சில திரையரங்குகளில் இந்த படத்தை கூட ரத்து செய்து விட்டார்களாம். அதனால் இந்த 2025 ஆம் ஆண்டின் முதல் பிளாக்பஸ்டர் தோல்வி படம் அது என்றால் அது கேம் சேஞ்சர் தான் என்று சினிமா ரசிகர்கள் பேசி வருகின்றார்கள்.