தமிழ் நடிகரான மாதவன் கௌதம் வாசுதேவ் மேனன் இயக்கத்தில் கடந்த 2001-ஆம் ஆண்டு ரிலீசான மின்னலே திரைப்படத்தின் மூலம் திரையுலகில் தனது பயணத்தை ஆரம்பித்தார். இந்த படம் சூப்பர் ஹிட் ஆனது. இதனை அடுத்து ரன், பிரியமான தோழி, கன்னத்தில் முத்தமிட்டால், ஜே ஜே, ஆயுத எழுத்து உள்ளிட்ட சூப்பர் ஹிட் படங்களில் மாதவன் நடித்தார்.
ஒரு இடைவெளிக்கு பிறகு மாதவன் நடித்த இறுதி சுற்று, விக்ரம் வேதா, ஆகிய படங்கள் மக்களிடைய நல்ல வரவேற்பை பெற்றது. கடந்த 2022-ஆம் ஆண்டு ரிலீசான ராக்கெட்டரி தி நம்பி எஃபெக்ட் திரைப்படத்தில் மாதவன் விஞ்ஞானி நம்பி நாராயணனாக நடித்திருந்தார்.
இந்த படம் சூப்பர் ஹிட் ஆனது. இந்த படத்திற்கு விருதும் கிடைத்தது. இந்த நிலையில் பிரபல அறிவியல் மாமேதையான ஜி டி நாயுடு பயோ பிக்கில் மாதவன் நடிக்க இருப்பதாக ஏற்கனவே தகவல் வெளியானது. ஆனால் நீண்ட காலமாக அந்த படத்தை கிடப்பில் போட்டனர்.
இந்த நிலையில் அந்த படத்தின் ஷூட்டிங் தொடங்க திட்டமிட்டு இருப்பதாக கூறப்படுகிறது. இப்போது படக்குழுவினர் பிரீ ப்ரோடுக்ஷன் பணிகளில் தீவிரமாக ஈடுபட்டு உள்ளார்களாம். இந்த படம் குறித்த கூடுதல் தகவல் விரைவில் வெளியாகும் என எதிர்பார்க்கப்படுகிறது.