பிரபல இசையமைப்பாளரான யுவன் சங்கர் ராஜா கடந்த 1997-ஆம் ஆண்டு ரிலீசான அரவிந்தன் திரைப்படத்தின் மூலம் இசையமைப்பாளராக திரையுலகில் தனது பயணத்தை ஆரம்பித்தார். அதன் பிறகு யுவன் சங்கர் ராஜாவின் மார்க்கெட் உயர்ந்தது. முன்னணி நடிகர்களின் படத்திற்கு யுவன் சங்கர் ராஜா இசையமைத்துள்ளார்.
யுவன் சங்கர் ராஜாவின் பாடல்களுக்கும் படத்தில் இடம்பெறும் பின்னணி இசைக்கும் ரசிகர்களிடையே அமோக வரவேற்பு இருந்தது. இந்த நிலையில் யுவன் சங்கர் ராஜா சமீபத்தில் கலந்து கொண்ட ஒரு பேட்டியில் கூறியதாவது, ஒரு நாள் ஒருத்தர் வந்து என்கிட்ட உங்க அப்பா எல்லாம் ஒன்னும் கிடையாது.
ரஹ்மான் என்று ஒருத்தர் புதுசா வந்துட்டாரு அப்படின்னு சொன்னாரு. எனக்கு அது புதுசா இருந்துச்சு. நாற்பது வருஷமா அப்பா பிரபலமா இருந்தாரு. என்கிட்ட வந்து ஒருத்தர் திடீர்னு சொல்லும் போது ஒரு பையனா எனக்கு அது ரொம்ப ஷாக்கா இருந்துச்சு. நான் உடனே ஒரு டிரைவர் கிட்ட சொல்லி ஏ.ஆர் ரகுமான் சாரோட ஆடியோ கேசட் வாங்கி கேட்டேன். உண்மையிலே நல்லா இருந்துச்சு.
அது புதுசா இருக்குன்னு நினைச்சேன். எனக்கு பேசஞ்சர் பிளைன் பைலட் ஆகணும்னு தான் ஆசை. நான் என் கனவை நோக்கி போயிட்டேனா அண்ணன் சக்சஸா வருவான்னு நினைச்சேன் ஆனா அவன் சக்ஸஸ்ஃபுல்லா வரல. அப்போ அப்பாவோட பயணம் அங்கேயே முடிஞ்சிடும். அது முடிய கூடாது அப்படின்னு மியூசிக் டைரக்டர் ஆகணும்னு அன்னைக்கே முடிவு எடுத்தேன் என கூறியுள்ளார்.