பிரபல நடிகையான எமி ஜாக்சன் இங்கிலாந்தை சேர்ந்தவர். இவர் மாடல் அழகியாக தனது வாழ்க்கையை தொடங்கினார். கடந்த 2008- ஆம் ஆண்டு அமெரிக்காவின் டாக்சாசில் நடைபெற்ற உலக அழகி போட்டியில் முதல் பரிசை வென்றார். இந்த நிலையில் ஏ.எல் விஜய் இயக்கிய மதராசபட்டினம் திரைப்படத்தின் மூலம் தமிழ் திரை உலகில் ஹீரோயினாக தனது பயணத்தை ஆரம்பித்தார். இந்த திரைப்படத்தில் எமி ஜாக்சனின் நடிப்பு ரசிகர்களை வெகுவாக கவர்ந்தது.
அதன் பிறகு அவருக்கு அடுத்தடுத்த பட வாய்ப்புகள் குவிந்தது. தமிழில் தாண்டவம், ஐ, தங்க மகன், தெறி, 2.0 உள்ளிட்ட திரைப்படங்களில் எமி ஜாக்சன் நடித்துள்ளார். தொடர்ந்து முன்னணி நடிகர்களுடன் நடித்து எமி ஜாக்சன் பிரபலமானார். சினிமாவில் பிஸியாக நடித்துக் கொண்டிருந்தபோதே ஜார்ஜ் என்பவரை எமி ஜாக்சன் காதலித்தார். கடந்த 2019-ஆம் ஆண்டு எமி ஜாக்சன் ஜார்ஜை நிச்சயம் செய்து கொண்டார்.
இருவரும் டேட்டிங்கில் இருந்ததால் அதே ஆண்டு செப்டம்பர் மாதம் எமி ஜாக்சனுக்கு அழகிய ஆண் குழந்தை பிறந்தது. இப்போது எமி ஜாக்சனின் மகனுக்கு 4 வயது ஆகிறது. கருத்து வேறுபாடு ஏற்பட்டதால் கடந்த 2021-ஆம் ஆண்டு எமி ஜாக்சன் ஜார்ஜை விட்டு பிரிந்து விட்டார். அதன் பிறகு 2022-ஆம் ஆண்டு ஹெட் வெஸ்டவிக் என்ற இங்கிலாந்து நடிகருடன் எமி ஜாக்சனுக்கு காதல் ஏற்பட்டது. இருவரும் டேட்டிங் செய்து வந்தனர். சோசியல் மீடியாவில் ஆக்டிவாக இருக்கும் எமி ஜாக்சன் ஹெட் வெஸ்டவிக் உடன் இருக்கும் புகைப்படங்களை பதிவிட்டு வந்தார்.
சமீபத்தில் கூட விமானத்தில் பறந்த படி தனது வருங்கால கணவருடன் லிப் லாக் கொடுத்து ரொமான்ஸ் செய்த புகைப்படங்களை வெளியிட்டார். இந்த நிலையில் திட்டமிட்டபடி இன்று தனது காதலர் ஹெட் வெஸ்டவிக்கை எமி ஜாக்சன் திருமணம் செய்து கொண்டார். அந்த புகைப்படங்கள் சமூக வலைதளத்தில் வேகமாக பரவி வருகிறது. அதனை பார்த்த ரசிகர்கள் எமி ஜாக்சனுக்கு திருமண வாழ்த்துக்களை தெரிவித்து வருகின்றனர்.
