பிரபல இசையமைப்பாளரான அனிருத் தமிழ் மட்டும் இல்லாமல் தெலுங்கு, ஹிந்தி ஆகிய மொழி படங்களுக்கு இசையமைத்துள்ளார். தற்போது வேட்டையன், இந்தியன் 2, தேவாரா என அடுத்தடுத்த படங்களில் பிசியாக வேலை பார்த்துக் கொண்டிருக்கிறார். 3 திரைப்படத்தின் மூலம் இசையமைப்பாளராக அறிமுகமானவர் அனிருத்.
அவர் இசையமைத்த ஒய் திஸ் கொலவெறி பாடல் சூப்பர் ஹிட் ஆனது. முன்னணி நடிகர்களான விஜய், ரஜினிகாந்த், கமல்ஹாசன், அஜித் உள்ளிட்டோரின் படங்களுக்கு அனிருத் இசையமைத்துள்ளார். அட்லி இயக்கத்தில் சூப்பர் ஹிட்டான ஜவான் படத்திற்கும் அனிருத் தான் இசை அமைத்துள்ளார்.
அவரது இசை உலகமெங்கும் பெரிதும் கொண்டாடப்படுகிறது. சினிமாவில் பிஸியாக இருந்தாலும் நாடு நாடாக சென்று மியூசிக் கச்சேரி நடத்துவதிலும் அனிருத் ஈடுபாடோடு இருக்கிறார். அப்படி இசை கச்சேரி நடத்திய போது எடுக்கப்பட்ட வீடியோ சமூக வலைதளத்தில் வைரலானது.
அந்த வீடியோவில் மேடையில் நின்று பாடிக்கொண்டிருந்த அனிருத் மீது ரசிகர்கள் பொருட்களை தூக்கி வீசுகின்றனர். அதனையும் கூலாக எடுத்துக் கொண்டு அந்த பொருட்களை கையால் பிடிக்கவும் அப்புறபடுத்துவதிலும் அனிருத் கவனம் செலுத்தி இருக்கிறார். ரசிகர்களின் செயல்களை நெட்டிசன்கள் கண்டித்து வருகின்றனர். அந்த வீடியோ வேகமாக பரவி வருகிறது.
We strongly condemn this kind of behaviour from some audience who thinks this is okay!
Throwing stuff on artists while they are performing on stage is neither fun nor safe.Just because they take it lightly & not make a scene doesn’t mean it’s acceptable! #HukumWorldTour pic.twitter.com/2tvaY4eAqG
— Anirudh FP (@Anirudh_FP) April 10, 2024