தமிழ் சினிமாவின் சூப்பர் ஸ்டார் ரஜினிகாந்த் கேமியோ ராேலில் நடித்து, அவரது மகள் ஐஸ்வர்யா ரஜினிகாந்த் இயக்கத்தில் வெளிவந்த திரைப்படம், லால் சலாம். இந்த திரைப்படத்தில் ரஜினிகாந்துடன் இணைந்து விக்ராந்த், விஷ்ணு விஷால் உள்ளிட்டார் நடித்துள்ளனர்.
இப்படம், பிப்ரவரி 9ஆம் தேதி திரையரங்குகளில் ரிலீசாகி ஓடி வருகிறது. ரஜினி, இதில் மொய்தீன் பாய் என்ற கதாப்பாத்திரத்தில் நடித்திருக்கிறார். கேமியோ ரோலாக இருந்தாலும் இவருக்கு இந்த திரைப்படத்தில் முக்கியமான கதாப்பாத்திரம் கொடுக்கப்பட்டுள்ளது.
விஷ்ணு விஷால், விக்ராந்த் ஆகியோர் முக்கிய கதாப்பாத்திரங்களில் கிரிக்கெட் வீரர்களாக நடித்துள்ளனர். கிரிக்கெட் வீரர் கபில் தேவ்வும் லால் சலாம் படத்தில் கேமியோ ரோலில் வருகிறார். ஏ.ஆர் ரஹ்மான் இசையமைத்துள்ள இந்த படத்தினை லைகா நிறுவனம் தயாரித்துள்ளது. கிரிக்கெட்டை மையமாக வைத்து உருவாக்கப்பட்ட இந்த படம் ஒரு வாரமாக கோடிகளில் கலெக்ஷன் செய்து வந்தது.
தற்பொழுது வசூல் திடீரென சரிந்து லட்சங்களுக்கு வந்துவிட்டது. அந்த வகையில் 8வது நாள் முடிவில் இந்தியா முழுவதும் வெறும் 27 லட்சம் மட்டுமே வசூலை ஈட்டி இருக்கிறது. இதுவரை இத்திரைப்படம் உலக அளவில் 23 கோடி வசூல் செய்துள்ளதாகவும், லைக்கா நிறுவனத்திற்கு கடுமையான இழப்பு ஏற்பட்டதாகவும் கூறப்படுகிறது. இந்நிலையில் பிரபல சினிமா விமர்சகரான ப்ளூ சட்டை மாறன் தனது ட்விட்டர் பக்கத்தில் லால் ஸலாம் படம் குறித்து வெளியிட்ட பதிவானது இணையத்தில் வைரலாகி வருகிறது. இதோ அந்த பதிவு….
Lal Salaam – Super Flop. pic.twitter.com/yfS1VgDuZh
— Blue Sattai Maran (@tamiltalkies) February 17, 2024