விஜய் தொலைக்காட்சியில் தற்போது பிக் பாஸ் சீசன் 7 நிகழ்ச்சியானது பரபரப்பாகவும், விறுவிறுப்பாகவும் ஒளிபரப்பாகி வருகிறது. அக்டோபர் 1 ஆம் தேதி தொடங்கப்பட்ட இந்த நிகழ்ச்சியானது 75 நாட்களை கடந்து இறுதிக்கட்டத்தையும் எட்டியுள்ளது. போட்டியாளர்கள் சிறப்பாக டாஸ்க்குகளில் செயல்படுகிறார்கள் இல்லையோ தங்களிடம் உள்ள வன்மத்தை மற்ற போட்டியாளர்களிடம் காட்டுவதில் மிகவும் தெளிவாக உள்ளனர்.
#image_title
மற்ற சீசன்களை காட்டிலும் இந்த சீசன் ரசிகர்கள் மத்தியில் மிகப்பெரும் வெறுப்பை சம்பாதித்துள்ளது. கமலஹாசன் அவர்களையும் நெட்டிசன்கள் ட்ரோல் செய்து வருவது குறிப்பிடத்தக்கது.இந்நிலையில் இந்த வாரம் பிக் பாஸ் வீட்டில் பிரிஸ் டாஸ்க் கொடுக்கப்பட்டுள்ளது.
போட்டியாளர்களின் நெருங்கிய சொந்தங்கள் பிக் பாஸ் வீட்டுக்குள் வர தற்பொழுது பிக் பாஸ் வீடே மகிழ்ச்சியில் திளைத்துள்ளது. அந்த வகையில் இன்றைய நாளுக்கான முதல் ப்ரோமோவில் பிக் பாஸ் வீட்டிற்குள் ரவீனாவின் குடும்பத்தினர் வந்திருந்தனர். வந்தவுடன் ரவீனா மணியுடன் நெருங்கி பழகுவது குறித்து அவரது உறவினர் இருவரையும் அழைத்து கடுமையாக திட்டினார்.
இதை தொடர்ந்து வெளியான இரண்டாவது பிரமோ-வில் ரவீனாவின் உறவினர் red என்ற code word கூறி பேசுகிறார். இதை பார்த்த பிக் பாஸ் உடனே ரவீனா குடும்பத்தினரை பிக் பாஸ் வீட்டை விட்டு வெளியேற்றினார். ஆனால் ரவீனா ‘தயவு செய்து விடுங்கள்’ என கெஞ்சி கேட்கிறார். ஆனாலும் பிக் பாஸ் முடிவு மாறாமல் கதவு திறக்கப்படுகிறது. இதை தொடர்ந்து ரவீனா கதறி அழுகிறார். இப்படி இன்றைய நாளில் இரண்டாவது ப்ரோமோ பரபரப்பாக வெளியாகி உள்ளது. இதோ அந்த ப்ரோமோ வீடியோ…