நடிகர் சிவகார்த்திகேயன், இப்போது ராஜ்கமல் பிலிம்ஸ் தயாரிக்கும் படத்தில் நடித்து வருகிறார். ராஜ்குமார் பெரியசாமி இந்த படத்தை டைரக்ட் செய்கிறார். இவர் முன்னதாக எடுத்த படம் கவுதம் கார்த்திக் நடித்த ரங்கூன். சிவகார்த்திகேயன் நடிக்கும் இந்த படம், ராணுவக் கதையை மையமாக கொண்டது. காஷ்மீரில், இந்த படத்தின் படப்பிடிப்பு பல மாதங்களாக நடந்துள்ளது.
இந்த படத்தை ராஜ்கமல் பட நிறுவனத்துடன் சோனி நிறுவனமும் இணைந்து தயாரிக்கிறது. இந்நிலையில், இதுவரை நடந்த படப்பிடிப்பில் திட்டமிட்ட பட்ஜெட்டை விட ரூ. 25 கோடி வரை கூடுதலாக செலவிடப்பட்டுள்ளது. குறிப்பிட்ட எல்லைக்குள் பட்ஜெட்டில் படம் எடுக்கிற ராஜ்கமல் பட நிறுவனத்துக்கு இது நெருக்கடியை தந்துள்ளது. இதையடுத்து, சோனி நிறுவனத்திடம் கமல் தயாரிப்பு நிறுவனம், அந்த ரூ. 25 கோடியை தருமாறு கேட்டுள்ளது.
ஆனால் அதற்கு மறுப்பு தெரிவித்த சோனி தயாரிப்பு நிறுவனம், முதலில் நாங்கள் என்ன ஒப்பந்தம் செய்கிறோமோ, அதையே கடைசி வரை பின்பற்றுவோம். நிபந்தனைகளில் அடிக்கடி மாறுதலோ, திருத்தமோ செய்ய மாட்டோம். அதனால், ரூ. 25 கோடி கூடுதலாக தர முடியாது என திட்டவட்டமாக மறுத்துவிட்டது. இதனால் சோனி நிறுவனத்துடன், இந்த சிவகார்த்திகேயன் படத்துடன் ஒப்பந்தத்தை முறித்துக்கொள்ளும் முடிவுக்கு கமல் தயாரிப்பு நிறுனனம் வந்துவிட்டதாக தகவல் வெளிவந்துள்ளது. சிவகார்த்திகேயன், டைரக்டர் ராஜ்குமார் பெரியசாமி, ரூ. 25 கோடி வரை பட்ஜெட்டை இழுத்துவிட்டு, கமல் ரூ. 2000 கோடி வரை சோனி நிறுவனத்துடன் போட்ட ஒப்பந்தத்தை நொறுக்கி விட்டனர். இதனால் கமல் பயங்கர அப்செட்டில் இருப்பதாக கூறப்படுகிறது.