விஜய் டிவியில் கடந்த 40 நாட்களாக பிக்பாஸ் சீசன் 7 நடந்து வருகிறது. எப்போதும் இல்லாத அளவுக்கு, இந்தமுறை பிக்பாஸ் வீட்டுக்குள் பிரச்னைகளும், சர்ச்சைகளும் அதிகமாகவே இருக்கின்றன. அதுவும் பிரதீப் ஆண்டனியை ரெட்காா்டு கொடுத்து, கமல் அவரை வெளியே அனுப்பிய விவகாரம் விஸ்வரூபம் எடுத்து வருகிறது. இதுவரை பிக்பாஸ் வீட்டில் நடந்த பிரச்னைகளில் சிக்காத கமல், இந்த முறை இந்த விஷயத்தில் வேற லெவலில் விமர்சிக்கப்பட்டு வருகிறார். பெண் பாதுகாப்பு குறித்து கமல் பேசுவதற்கு முன், அவரது முகத்தை கண்ணாடியில் பார்த்துக் கொள்வது நல்லது போன்ற கடுமையான விமர்சனங்கள் எல்லாம் அவர் மீது வருகின்றன.
பிக்பாஸ் வீட்டுக்குள் அதிக அட்ராசிட்டியில் ஈடுபட்டு வருபவர் மாயா கிருஷ்ணன்தான். பிரதீப் ஆண்டனி பிக்பாஸ் வீட்டை விட்டு வெளியேற காரணமும் அவர்தான். மாயா குறித்து சமீபத்தில் ஒரு நேர்காணலில் பேசிய பின்னணி பாடகி சுசித்ரா, மாயா ஒரு லெஸ்பியன் என கூறியது பயங்கர பரபரப்பை ஏற்படுத்தியது. அதைத்தொடர்ந்து விஜே வைஷூ என்ற திருநங்கையும் அதை உறுதிப்படுத்தி இருக்கிறார்.
சமீபத்திய நேர்காணல் ஒன்றில் அவர் பேசுகையில், மாயா ஒரு லெஸ்பியன், எங்களது கம்யூனிட்டி பீப்பிளை சேர்ந்தவர்தான். அவர் லெஸ்பியன் என்பதை வெளிப்படையாக பார்க்க மறுக்கிறார். அந்த வீட்டுக்குள் அதனால்தான், பூர்ணிமாவுடனே எப்பவும் இருக்கிறார். ஆணாக இருப்பவர்கள் பெண்ணாக திருநங்கை, பெண்ணாக இருப்பவர் ஆணாக மாறினால், திருநம்பி. அத்தகைய ஆண்கள் ஹேர்கட் பண்ணிக் கொள்வார்கள். பெண் உரிமை என்ற பெயரில், தனக்கு பிடிக்காத பிரதீப்பை, அநியாய பழிசுமத்தி அவரை வெளியேற்றும் மாயாவின் சதி திட்டம் தெரியாமல், அந்த வீடே மாயாவுக்கு துணை நின்றுவிட்டது, என்று கூறி இருக்கிறார் வைஷூ.
