கார்த்திக் சுப்புராஜ் இயக்கத்தில் அவருக்கு பெரும் பெயரை பெற்றுக் கொடுத்த திரைப்படம் என்றால் அது ஜிகர்தண்டா தான். மதுரையை மையமாக வைத்து எடுக்கப்பட்ட இந்த திரைப்படம் தேசிய விருதை பெற்று தந்தது. இந்தப் படம் சென்னையில் 100 நாட்கள் ஓடியது. இதற்குப் பிறகு பெரிய இயக்குனராக வலம் வந்த கார்த்திக் சுப்புராஜ், சூப்பர் ஸ்டாரை வைத்து எல்லாம் இயக்கம் வாய்ப்பு கிடைத்தது. இந்த நிலையில் ஜிகிர்தண்டா படத்தின் இரண்டாவது பாகத்தை கார்த்திக் சுப்புராஜ் தற்பொழுது இயக்கியுள்ளார்.
இந்தப் படத்தில் எஸ் ஜே சூர்யா மற்றும் லாரன்ஸ் ஆகியோர் ஹீரோவாக நடித்துள்ளனர். இந்தப் படத்தின் டீசர் ரசிகர்கள் மத்தியில் பெரும் எதிர்பார்ப்பை ஏற்படுத்தியது.ஏனென்றால் இந்த டீசர் மிகவும் வித்தியாசமான தரத்தில் இருந்தது. இதனை அடுத்து ஜிகர்தண்டா படம் தீபாவளி ட்ரீட்டாக நவம்பர் 10 ஆம் தேதியான இன்று திரையரங்குகளில் வெளியாகியுள்ளது.
இந்நிலையில் இத்திரைப்படத்தின் முதல் விமர்சனத்தை நடிகர் தனுஷ் தற்பொழுது இணையத்தில் கூறியுள்ளார். நடிகர் தனுஷ், ஏற்கனவே கார்த்திக் சுப்புராஜ் இயக்கத்தில் ‘ஜகமே தந்திரம்’ என்ற படத்தில் நடித்திருக்கிறார் என்பது குறிப்பிடத்தக்கது. தனுஷ் தனது ட்விட்டர் பக்கத்தில், ‘ஜிகர்தண்டா டபுள் எக்ஸ் படத்தை நேற்று இரவு பார்த்தேன். இந்த படத்தை கார்த்திக் சுப்புராஜ் சூப்பராக இயக்கியுள்ளார்.
எஸ் ஜே சூர்யா எப்படி இப்படி புதுப்புது வெரைட்டியாக நடிக்கிறாரோ தெரியவில்லை. இதில் ராகவா லாரன்ஸ் புதிய அவதாரத்தில் உள்ளார். பார்க்கலாம். சந்தோஷ் நாராயணனின் இசை கூடுதல் பலம். அது மட்டுமல்ல இந்த படத்தின் கடைசி 40 நிமிடங்கள் நிச்சயம் உங்கள் இதயங்களை கொள்ளையடிக்கும்’ என்று தனது கருத்தை கூறியுள்ளார். இதேபோல பிரபலங்களும், ரசிகர்களும் படத்தை பற்றி நல்ல விமர்சனங்களையே கூறி வருகின்றனர். இதோ அவரின் பதிவு….
