அடுத்த தலைமுறை விஞ்ஞானி இவங்க தான்.. பைக்கா? இல்ல ஹெலிகாப்டரா..? சாலையில் பறந்த விசித்திர பைக்.. மிரண்டு போன நெட்டிசன்கள்…!!

சமூக வலைதளங்களில் வைரலாகி வரும் ஒரு வீடியோவில், சில இளைஞர்கள் தங்களது பைக்கை மிகவும் விசித்திரமான முறையில் மாற்றி அமைத்து அனைவரையும் வியப்பில் ஆழ்த்தியுள்ளனர். பொதுவாக இரண்டு சக்கரங்களைக் கொண்ட பைக்கில், இவர்கள் கூடுதலாக நான்கு சக்கரங்களைப் பொருத்தி, மொத்தம் ஆறு சக்கரங்களைக் கொண்ட வாகனமாக மாற்றியுள்ளனர். பைக்கின் முன் மற்றும் பின் சக்கரங்களுக்குக் கீழே தலா இரண்டு சிறிய சக்கரங்களை இணைத்து, இந்த புதுமையான முயற்சியை மேற்கொண்டுள்ளனர். இந்த ‘ஜுகாட்’ (சாமர்த்தியமான உத்தி) முறை மூலம் உருவாக்கப்பட்ட பைக்கை அவர்கள் சாலையில் ஓட்டிச் செல்லும் காட்சிகள் இணையத்தில் வேகமாகப் பரவி வருகின்றன.

இந்த வீடியோவை எக்ஸ் (X) தளத்தில் பகிர்ந்த பயனர், நகைச்சுவையாக “இவர்கள் தான் நம் நாட்டின் எதிர்காலம், இந்தத் திறமை நாட்டை விட்டு வெளியே சென்றுவிடக் கூடாது” என்று பதிவிட்டுள்ளார். வெறும் 14 வினாடிகள் மட்டுமே ஓடும் இந்த வீடியோவை ஆயிரக்கணக்கானோர் பார்த்துள்ளனர். இதைப் பார்த்த நெட்டிசன்கள், “இது பைக்கா இல்லை ஹெலிகாப்டரா?” என்றும், “இப்படியொரு யோசனை இவர்களுக்கு எப்படி வந்தது?” என்றும் வியப்புடன் கருத்துகளைத் தெரிவித்து வருகின்றனர். லைக்ஸ் மற்றும் வியூஸ்களுக்காக இளைஞர்கள் செய்யும் இத்தகைய விபரீதமான மற்றும் வினோதமான மாற்றங்கள் ஒருபுறம் ஆச்சரியத்தைத் தந்தாலும், பாதுகாப்பு குறித்த கவலையையும் ஏற்படுத்துகின்றன.