BREAKING: கார் விபத்தில் 4 பேர் பரிதாப பலி… தமிழ் புத்தாண்டில் நிகழ்ந்த சோகம்..!!

தூத்துக்குடி, கோட்டூர் விலக்கு பகுதியில் சாலையோரம் நின்றிருந்த லாரி மீது கார் மோதிய கோர விபத்தில் நான்கு பேர் உயிரிழந்தனர். தமிழ் புத்தாண்டை முன்னிட்டு திருச்செந்தூர் கோயிலுக்குச் சென்று சுவாமி தரிசனம் செய்துவிட்டு சென்னை திரும்பியபோது இந்த துயர சம்பவம் நிகழ்ந்துள்ளது. இதில் பாஸ்கரன் (45), அவரது மனைவி வனிதா (39), கார் ஓட்டுநர் பழனி மற்றும் வசந்தி ஆகியோர் சம்பவ இடத்திலேயே உயிரிழந்தனர்.

இந்த விபத்தில் படுகாயமடைந்த பாஸ்கரனின் இரண்டு குழந்தைகள் மீட்கப்பட்டு, தற்போது மருத்துவமனையில் தீவிர சிகிச்சை பெற்று வருகின்றனர். புத்தாண்டைக் கொண்டாடச் சென்ற குடும்பத்தில் நான்கு பேர் உயிரிழந்த சம்பவம் அந்தப் பகுதியில் பெரும் சோகத்தை ஏற்படுத்தியுள்ளது. விபத்து குறித்து காவல்துறையினர் விசாரணை மேற்கொண்டு வருகின்றனர்.