“அடிமடியில் கைவைத்த டிரம்ப்” தமிழ்நாட்டில் 30 லட்சம் பேர் வேலை இழக்கும் அபாயம்… அமைச்சர் பகீர் தகவல்..!!

அமெரிக்காவின் புதிய வரி விதிப்புக் கொள்கைகளால் தமிழகத்தின் ஜவுளி மற்றும் ஏற்றுமதித் துறையில் ஏற்படவுள்ள பாதிப்புகள் குறித்து மாநில நிதியமைச்சர் தங்கம் தென்னரசு மத்திய அரசுக்கு எச்சரிக்கை விடுத்துள்ளார். அமெரிக்காவின் புதிய வர்த்தகக் கொள்கை மற்றும் வரி விதிப்பால், தமிழகத்தில் நேரடியாகவும் மறைமுகமாகவும் சுமார் 30 லட்சம் பேர் வேலை இழக்கும் அபாயம் இருப்பதாக அமைச்சர் தெரிவித்துள்ளார்.

தமிழகத்திலிருந்து வெளிநாடுகளுக்குச் செல்லும் மொத்த சரக்கு ஏற்றுமதியில் 31 சதவீதம் அமெரிக்கச் சந்தையை மட்டுமே சார்ந்துள்ளது. குறிப்பாக ஜவுளி, ஆயத்த ஆடைகள் மற்றும் தோல் பொருட்கள் பெருமளவில் அமெரிக்காவிற்கு ஏற்றுமதி செய்யப்படுகின்றன. டெல்லியில் நேற்று  நடைபெற்ற மாநில நிதியமைச்சர்களுடனான ஆலோசனைக் கூட்டத்தில் பேசிய அவர், இந்த வரி உயர்வால் லட்சக்கணக்கான தொழிலாளர்களின் வாழ்வாதாரம் கேள்விக்குறியாகியுள்ளதைச் சுட்டிக்காட்டினார். பாதிப்புகளைத் தவிர்க்க மத்திய அரசு உரிய இராஜதந்திர நடவடிக்கைகளை எடுக்க வேண்டும் எனவும் அவர் வலியுறுத்தினார்.