5 மணி நேரத்தில் அதிரடி…! மாயமான 3 சிறுமிகள் மீட்பு… மெரினா பீச்சில் சுற்றி திரிந்துவிட்டு கேளம்பாக்கத்தில் பிடிபட்ட விசித்திரம்… போலீஸ் அதிரடி…!!

திருவண்ணாமலை மாவட்டம் தண்டராம்பட்டு அருகே ஒரே நாளில் மர்மமான முறையில் மாயமான 3 பள்ளிச் சிறுமிகளைத் தமிழ்நாடு காவல்துறையினர் 5 மணி நேர மின்னல் வேக நடவடிக்கையில் சென்னையில் பத்திரமாக மீட்டுள்ள சம்பவம் பெரும் பரபரப்பையும் நிம்மதியையும் ஏற்படுத்தியுள்ளது.

தண்டராம்பட்டு பகுதியைச் சேர்ந்த மகாலட்சுமி, மகேஸ்வரி மற்றும் இவர்களது உறவினரான நித்யா ஆகிய 3 மாணவிகளும் அக்டோபர் 26 அன்று பள்ளிக்குச் சென்றுவிட்டு வீடு திரும்பாமல் திடீரென மாயமாகினர். பெற்றோர் கேரளாவில் கூலி வேலை செய்து வரும் சூழலில், 3 சிறுமிகள் ஒரே நேரத்தில் காணாமல் போனது பெரும் பீதியை ஏற்படுத்திய நிலையில், காவல்துறையினர் உடனடியாகத் தனிப்படை அமைத்து தீவிரத் தேடுதல் வேட்டையில் ஈடுபட்டனர்.

விசாரணையில், மாயமான சிறுமிகள் 3 பேரும் சென்னைக்கு வந்து இரவில் மெரினா கடற்கரையில் சுற்றித் திரிந்துவிட்டு, பின்னர் கேளம்பாக்கம் பேருந்து நிலையத்தில் நின்றது தெரியவந்தது. அங்குச் ரோந்து பணியில் இருந்த காவல்துறையினர் சிறுமிகளை அடையாளம் கண்டு பத்திரமாக மீட்டுத் தண்டராம்பட்டு காவல் நிலையத்திற்கு அழைத்துச் சென்று ஒப்படைத்தனர்.

புகாரளிக்கப்பட்ட 5 மணி நேரத்திற்குள் 3 மாணவிகளையும் மீட்ட காவல்துறையினருக்குப் பெற்றோர்களும் சமூக ஆர்வலர்களும் பாராட்டுகளைக் குவித்து வருகின்றனர். சிறுமிகள் எதற்காகக் குடும்பத்தினருக்குத் தெரியாமல் சென்னைக்கு ஓடி வந்தார்கள் என்பது குறித்துப் போலீசார் தொடர்ந்து விசாரணை நடத்தி வருகின்றனர். சிறுமிகள் எதற்காகக் குடும்பத்தினருக்குத் தெரியாமல் சென்னைக்கு ஓடி வந்தார்கள் என்பது குறித்துப் போலீசார் தொடர்ந்து விசாரணை நடத்தி வருகின்றனர்.