2400 கோடி மோசடி வழக்கில் துபாயில் தலைமறைவாக இருந்த நடிகர் RK.சுரேஷ்.. சென்னை ஏர்போர்ட்டில் லாக் செய்த அதிகாரிகள்.. சூடுபிடிக்கும் விவகாரம்..

தமிழ் சினிமாவில் நடிகர் மற்றும் தயாரிப்பாளராக வலம் வருபவர் ஆர். கே. சுரேஷ். இவர் ஆருத்ரா கோல்டு நிறுவனத்தின் 2348 கோடி பண மோசடி வழக்கில் சிக்கி தற்பொழுது தலைமறைவாக இருப்பதாக கூறப்பட்டு வந்தது. சென்னை அமைந்தகரையை தலைமை இடமாகக் கொண்டு செயல்பட்டு வந்தது ஆருத்ரா கோல்டு நிறுவனம். இந்த நிறுவனத்தில் முதலீடு செய்பவர்களுக்கு 25 முதல் 30 சதவீதம் வரை கூடுதல் வட்டி தருவதாக அறிவித்தது. இதை நம்பி லட்சக்கணக்கானோர் முதலீடு செய்ய இப்போது ஏமாந்தனர்.

இந்நிலையில், அந்நிறுவனத்தின் இயக்குநரும் பாரதிய ஜனதா கட்சி நிர்வாகியுமான ஹரீஷ் மற்றும் மற்றொரு இயக்குநரான மாலதி ஆகியோரை பொருளாதாரக் குற்றப்பிரிவு போலீசார் கடந்த வாரம் கைது செய்து நீதிமன்ற காவலில் அடைத்தனர். அப்படி செய்த விசாரணையில் தற்போது நடிகரும், பாஜக கலைப் பிரிவு மாநில நிர்வாகியுமான ஆர்.கே.சுரேஷிற்கு மோசடியில் தொடர்பு இருப்பதாக தெரிய வந்துள்ளது.

அவரை விசாரிக்க போலீசார் முயன்றபோது அவர் வெளிநாட்டிற்கு தப்பி ஓடிவிட்டதாக கூறப்பட்டது.  இந்நிலையில்  இந்த பணமோசடி வழக்கில் ஆர்.கே.சுரேஷூக்கும் தொடர்புள்ளதாக கூறி அவருக்கு போலீஸார் சம்மன் பிறப்பித்திருந்தனர். அவர் தனது மனைவியுடன் துபாய்க்கு சென்ற நிலையில், அவருக்கு எதிராக லுக்-அவுட் நோட்டீஸ் பிறப்பிக்கப்பட்டது.

இந்த லுக்-அவுட் நோட்டீஸை திரும்ப பெறக் கோரி ஆர்.கே.சுரேஷ் சார்பில் சென்னை உயர் நீதிமன்றத்தில் மனு தாக்கல் செய்யப்பட்டது. அதில், ‘பண மோசடிக்கும் எனக்கும் எந்த தொடர்பும் இல்லை. வரும் டிச.10 -ம் தேதி துபாயில் இருந்து சென்னை வரவுள்ளதால் லுக்-அவுட் நோட்டீஸை திரும்பப் பெற வேண்டும்’ என கூறியிருந்தார். இந்நிலையில் ‘அவருக்கு எதிராக பிறப்பிக்கப்பட்ட லுக்-அவுட் நோட்டீஸ் நிறுத்தி  வைத்து’ நீதீமன்றம்  தீர்ப்பை வழங்கியிருந்தது.

இந்நிலையில் டிசம்பர் 10 தேதியான நேற்று  காலை துபாயில் இருந்து ஆர்கே சுரேஷ் சென்னை திரும்பினார். அவரை விமான நிலையத்திலேயே குடியுரிமை அதிகாரிகள் சுற்றிவளைத்து விசாரணை நடத்தினர். விசாரணையில் அவர் ஆருத்ரா வழக்கில் ஆஜர் ஆவதற்காக தான் துபாயில் இருந்து திரும்பி வந்தேன் என்று கூறியுள்ளார். மேலும் சுரேஷ் அளித்த உறுதியின் பதில் விமான நிலைய அதிகாரிகள் அவரை வீடு திரும்ப அனுமதி அளித்துள்ளனர். இது தொடர்பாக அவர் டிசம்பர் 12ஆம் தேதி பொருளாதார குற்றப்பிரிவு போலீசாரிடம் நேரில்  ஆஜர் ஆவார் என்று எதிர்பார்க்கப்படுகிறது .