15 வயது பள்ளிச் சிறுமிக்கு.. 2 ஆண்டாக நடந்த பாலியல் வன்கொடுமை.. ஆந்திராவை உலுக்கிய பகீர் பின்னணி..!!

ஆந்திரப் பிரதேசத்தில் அரசுப் பள்ளியில் 10-ஆம் வகுப்பு படித்து வந்த 15 வயது சிறுமி ஒருவர், கடந்த இரண்டு வருடங்களாக 14 பேர் கொண்ட கும்பலால் தொடர் பாலியல் வன்கொடுமைக்கு ஆளாக்கப்பட்டுள்ளார். அச்சிறுமி 8-ஆம் வகுப்பு படித்துக் கொண்டிருந்த போதிலிருந்தே இந்த கொடூரம் அரங்கேறி வந்துள்ளது. அச்சுறுத்தல்களுக்கு பயந்து, வெளியில் சொல்ல முடியாமல் பள்ளிக்குச் சென்று வந்த சிறுமிக்கு திடீரென உடல்நலக் குறைவு ஏற்பட்டுள்ளது.

இதனைத் தொடர்ந்து சிறுமியை மருத்துவமனைக்கு அழைத்துச் சென்று பரிசோதித்த போது, அவர் 8 மாத கர்ப்பமாக இருப்பது தெரியவந்தது. இந்த அதிர்ச்சி தகவலை அடுத்து, பாதிக்கப்பட்ட சிறுமியிடம் நடத்திய விசாரணையில், கடந்த இரண்டு ஆண்டுகளாக தனக்கு நேர்ந்த கொடூரங்களையும், அதற்கு காரணமான நபர்கள் குறித்தும் அவர் விவரித்துள்ளார்.

இச்சம்பவம் குறித்து மாவட்ட காவல்துறை கண்காணிப்பாளர் (SP) தலைமையிலான தனிப்படையினர் தீவிர விசாரணை மேற்கொண்டு வருகின்றனர். பாதிக்கப்பட்ட சிறுமிக்கு தகுந்த மருத்துவ சிகிச்சைகளும், ஆலோசனைகளும் வழங்கப்பட்டு வரும் நிலையில், இந்த கொடூர குற்றத்தில் ஈடுபட்ட 14 நபர்களையும் போக்சோ (POCSO) சட்டத்தின் கீழ் கைது செய்ய போலீசார் தீவிர நடவடிக்கை எடுத்து வருகின்றனர்.