14 வயது பள்ளி சிறுமியை சீரழித்த காம கொடூரர்கள்… திமுக நிர்வாகி உட்பட 15 பேர் செய்த கொடூரம்… பெற்ற தாயே உடந்தையா….?

திருச்சியில் 14 வயது சிறுமி ஒருவர் 2023-ஆம் ஆண்டு குழந்தை ஈன்றெடுத்த சம்பவம் தொடர்பாக, தற்போது தி.மு.க நிர்வாகி உட்பட 15 பேர் மீது போக்சோ சட்டத்தின் கீழ் வழக்குப்பதிவு செய்யப்பட்டுள்ளது பெரும் அதிர்ச்சியை ஏற்படுத்தியுள்ளது. கடந்த 2021-ஆம் ஆண்டு ஆறாம் வகுப்பு படித்துக்கொண்டிருந்த போதே அந்தச் சிறுமி பல்வேறு நபர்களால் பாலியல் வன்கொடுமைக்கு உள்ளாக்கப்பட்டுள்ளார். இது குறித்து சிறுமி தனது தாய் மற்றும் தாத்தாவிடம் முறையிட்டும், அவர்கள் எந்த நடவடிக்கையும் எடுக்காமல் மறைத்ததாகக் கூறப்படுகிறது. 2023 ஜூன் மாதம் தனியார் மருத்துவமனையில் அச்சிறுமிக்கு குழந்தை பிறந்த நிலையில், முறையான விசாரணை நடத்தப்படாமல் அந்த விவகாரம் அப்போது மூடி மறைக்கப்பட்டுள்ளது.

தற்போது தேசிய குழந்தைகள் உரிமை பாதுகாப்பு ஆணையத்தின் தலையீட்டால் இந்த கொடூரச் சம்பவம் வெளிச்சத்திற்கு வந்துள்ளது. ஸ்ரீரங்கம் போலீசார் நடத்திய தீவிர விசாரணையில், சிறுமியின் உறவினர்கள், ஹோட்டல் தொழிலாளி மற்றும் அரசியல் பிரமுகர் எனப் பலரும் இதில் சம்பந்தப்பட்டிருப்பது தெரியவந்துள்ளது. தற்போது சிறுமியின் தாய், தாத்தா மற்றும் தம்பி உள்ளிட்டோர் போலீசாரால் கைது செய்யப்பட்டுள்ளனர். மேலும், குழந்தையின் தந்தை யார் என்பதைக் கண்டறிய டிஎன்ஏ (DNA) பரிசோதனைக்கும் உத்தரவிடப்பட்டுள்ளது. கடந்த ஐந்து ஆண்டுகளாக ஒரு சிறுமி தொடர்ந்து சீரழிக்கப்பட்ட செய்தி தமிழகம் முழுவதும் பெரும் பரபரப்பை ஏற்படுத்தியுள்ளது.