போர்நிறுத்தத்திலும் ஓயாத துப்பாக்கி சத்தம்…! “பசியில் வாடிய 13 வயது சிறுவனை…” காசாவில் 3 பத்திரிகையாளர்கள் உட்பட 11 பேர் பலி… பெரும் பரபரப்பு…!!

காசாவில் அக்டோபர் 10 முதல் போர்நிறுத்தம் அறிவிக்கப்பட்ட போதிலும், இஸ்ரேல் ராணுவம் தொடர்ந்து வான்வழித் தாக்குதல்களை நடத்தி வருகிறது. சமீபத்தில் எகிப்து எல்லை அருகே அகதிகள் முகாமைப் புகைப்படம் எடுத்துக் கொண்டிருந்த ஊடகவியலாளர்களின் வாகனத்தை இஸ்ரேல் தாக்கியதில் மூன்று பத்திரிகையாளர்கள் உயிரிழந்தனர். அவர்கள் ராணுவ ரகசியங்களைச் சேகரிக்க முயன்றதாக இஸ்ரேல் தரப்பில் கூறப்பட்டாலும், இந்தப் போர்நிறுத்தக் காலத்தில் மட்டும் இதுவரை 470-க்கும் மேற்பட்ட பாலஸ்தீனர்கள் கொல்லப்பட்டுள்ளது உலக நாடுகளிடையே அதிர்ச்சியை ஏற்படுத்தியுள்ளது.

மற்றொரு தாக்குதலில், உணவு தேடி விறகு சேகரிக்கச் சென்ற 13 வயதுச் சிறுவன் உட்பட ஒரே குடும்பத்தைச் சேர்ந்த மூவர் படுகொலை செய்யப்பட்டுள்ளனர். காசாவுக்குள் வரும் மனிதாபிமான உதவிகளுக்கு இஸ்ரேல் கடும் நெருக்கடி கொடுத்து வருவதால், மக்கள் அத்தியாவசியத் தேவைகளுக்காகத் தவித்து வருகின்றனர். பசி மற்றும் வறுமைக்கிடையே பிழைக்கத் துடிக்கும் அப்பாவி மக்களைக் குறிவைத்து நடத்தப்படும் இத்தகைய தொடர் வன்முறைகள், ஏற்கனவே சிதைந்துள்ள காசாவின் நிலைமையை மேலும் மோசமாக்கி வருகின்றன.