PM கிஷான்: விவசாயிகளின் வங்கிக் கணக்கில் ₹2,000.. அரசு புதிய அறிவிப்பு..!!

தமிழகத்தில் பிரதமர் கிசான் திட்டத்தின் கீழ் 19-வது தவணைத் தொகையான ₹2,000-ஐப் பெறுவதற்கு, விவசாயிகள் அனைவரும் ‘தனித்துவ விவசாய அடையாள எண்’ (Unique Farmer ID) பெறுவது தற்போது கட்டாயமாக்கப்பட்டுள்ளது. இதற்காக விவசாயிகள் தங்கள் பகுதி வேளாண்மை அல்லது தோட்டக்கலைத்துறை அதிகாரிகளை அணுகி, தேவையான ஆவணங்களைச் சமர்ப்பித்து இந்த அடையாள எண்ணைப் பெற்றுக்கொள்ள வேண்டும் என மாவட்ட வாரியாக அறிவுறுத்தப்பட்டு வருகிறது. மத்திய அரசின் இந்த புதிய நடைமுறை, நிதி உதவி நேரடியாகத் தகுதியுள்ள விவசாயிகளுக்குச் சென்றடைவதை உறுதி செய்ய அமல்படுத்தப்பட்டுள்ளது.

அடையாள எண் மட்டுமின்றி, விவசாயிகள் தங்களின் e-KYC சரிபார்ப்பையும் உடனடியாக நிறைவு செய்ய வேண்டும் என அரசு அறிவுறுத்தியுள்ளது. வரும் பிப்ரவரி 2026-ல் அடுத்த தவணைத் தொகையை விடுவிக்க மத்திய அரசு திட்டமிட்டுள்ளதால், ஆதார் இணைப்பு மற்றும் நில ஆவணங்களைச் சரிபார்த்தல் போன்ற பணிகளை விரைந்து முடிப்பது அவசியமாகும். இவற்றுள் ஏதேனும் விடுபட்டிருந்தால், தவணைத் தொகை வங்கிக் கணக்கில் சேருவதில் சிக்கல் ஏற்படக்கூடும் என்பதால், PM-KISAN இணையதளம் அல்லது பொதுச் சேவை மையங்கள் மூலம் அப்டேட்களை மேற்கொள்ள விவசாயிகள் கேட்டுக் கொள்ளப்படுகிறார்கள்.