“ப்ளீஸ் என் மகளை காப்பாத்துங்க…” 15 முதல் 20 முறை கதறியும் அலட்சியமாக இருந்த மருத்துவர்கள்… பிரசவ வார்ட்டில் துடிதுடித்து இறந்த இளம்பெண்…. பதற வைக்கும் வீடியோ…!!

ஹரியானா மாநிலம் பானிபட் பகுதியில் உள்ள அரசு சிவில் மருத்துவமனையில், பிரசவ வார்டில் அனுமதிக்கப்பட்டிருந்த 25 வயது இளம்பெண் கிரண் என்பவர், ஆக்ஸிஜன் வசதி கிடைக்காமல் பரிதாபமாகத் துடிதுடித்து உயிரிழந்த சம்பவம் பெரும் சோகத்தையும் கொந்தளிப்பையும் ஏற்படுத்தியுள்ளது.

பாதிக்கப்பட்ட பெண்ணின் தாயார், தனது மகளுக்கு மூச்சுத்திணறல் ஏற்பட்டதைக் கண்டு, ஆக்ஸிஜன் வழங்குமாறு அங்கிருந்த மருத்துவர்களிடம் 15 முதல் 20 முறைக்கு மேல் நேரில் சென்று கதறி அழுது முறையிட்டுள்ளார். ஆனால், மருத்துவமனை நிர்வாகமும் மருத்துவர்களும் அந்த அலறலைக் காதில் வாங்காமல் ஆக்ஸிஜன் வழங்குவதில் கடுமையான அலட்சியம் காட்டியதாகக் கூறப்படுகிறது.

இதன் காரணமாக, சரியான நேரத்திற்குச் சிகிச்சை கிடைக்காமல் அந்த இளம்பெண் மருத்துவமனை வார்டிலேயே பரிதாபமாக உயிரிழந்தார். மகளின் உயிரைக் காப்பாற்றப் போராடிய தாயின் கதறல் பலனளிக்காமல் போனதை அடுத்து, ஆத்திரமடைந்த உறவினர்கள் மற்றும் பொதுமக்கள் பானிபட் அரசு மருத்துவமனையை முற்றுகையிட்டுப் போராட்டத்தில் ஈடுபட்டனர். இச்சம்பவம் குறித்து அதிகாரிகள் தீவிர விசாரணை மேற்கொண்டு வருகின்றனர்.