கடவுளே இப்படியா ஆகணும்..? ஒரே பிரசவத்தில் 4 பிள்ளைகள்… 23 வயது இளம்பெண் பரிதாப பலி… நெஞ்சை உலுக்கும் பகீர் வீடியோ…!!

உத்தரப் பிரதேச மாநிலம் பதூன் பகுதியில் ஒரே பிரசவத்தில் நான்கு குழந்தைகளைப் பெற்றெடுத்த 25 வயது இளம் தாய், சிகிச்சை பலனின்றி பரிதாபமாக உயிரிழந்த சம்பவம் பெரும் சோகத்தை ஏற்படுத்தியுள்ளது. பதூனைச் சேர்ந்த ரம்பு என்பவரின் மனைவியான ஏக்தா (25) என்பவருக்கு 7 மாத கர்ப்பமாக இருந்த நிலையில், கடந்த செவ்வாய்க்கிழமை இரவு பிரசவ வலி ஏற்பட்டுள்ளது.

இதனையடுத்து அருகில் உள்ள தனியார் மருத்துவமனையில் அனுமதிக்கப்பட்ட அவருக்கு அறுவை சிகிச்சை மூலம் மூன்று பெண் குழந்தைகள் மற்றும் ஒரு ஆண் குழந்தை என மொத்தம் நான்கு குழந்தைகள் பிறந்தது. இதில் ஒரு பெண் குழந்தை ஏற்கனவே இறந்து பிறந்துள்ளது. மற்ற இரண்டு பெண் குழந்தைகளும், ஒரு ஆண் குழந்தையும் மாவட்ட அரசு மருத்துவமனையின் தீவிர பச்சிளம் குழந்தைகள் பாதுகாப்புப் பிரிவில் அனுமதிக்கப்பட்டு டாக்டர்களின் கண்காணிப்பில் சிகிச்சைப் பெற்று வருகின்றன.

இதற்கிடையே, பிரசவம் முடிந்த சில மணி நேரங்களிலேயே ஏக்தாவிற்கு திடீரென மூச்சுத்திணறல் ஏற்பட்டு உடல்நிலை மிகவும் மோசமடைந்துள்ளது. உடனே அவரை பரேலியில் உள்ள மற்றொரு தனியார் மருத்துவமனைக்குக் கொண்டு சென்றனர். அங்கு தீவிர சிகிச்சை அளிக்கப்பட்ட போதிலும், சிகிச்சை பலனின்றி ஏக்தா பரிதாபமாக உயிரிழந்தார். மூன்று ஆண்டுகளுக்கு முன்பு திருமணம் ஆன ஏக்தா, ஏற்கனவே ஒருமுறை கருக்கலைப்புச் சிக்கலைச் சந்தித்துள்ள நிலையில், தற்போது நான்கு குழந்தைகளைப் பெற்றெடுத்துவிட்டு உயிரிழந்த சம்பவம் அப்பகுதி மக்களையும், இணையவாதிகளையும் கண் கலங்க வைத்துள்ளது.