“திருமணமாகி 4 மாதம் தான் ஆச்சு…” நண்பனுக்கு வந்த பகை…. அநியாயமாக ஒரே மகனை பறிகொடுத்து பெற்றோர்…. கனவு நனவாகும் முன்பே ரத்த வெள்ளத்தில் முடிந்த வாழ்க்கை…!!!

உத்தரப்பிரதேச மாநிலம் மீரட் பகுதியைச் சேர்ந்த நிதின் நகர் என்ற இளைஞருக்குக் கடந்த 4 மாதங்களுக்கு முன்புதான் பிரியா என்ற பெண்ணுடன் திருமணம் நடைபெற்றது. பெற்றோருக்கு ஒரே மகனான நிதின், வரவிருக்கும் அக்டோபர் 3-ஆம் தேதி நடைபெறவுள்ள டெல்லி போலீஸ் உடற்தகுதித் தேர்விற்குப் தீவிரமாகத் தயாராகி வந்தார்.

இந்நிலையில், நிதினின் நண்பனான பிரின்ஸ் என்பவருக்கும் மித்து என்பவருக்கும் இடையே கடந்த சில நாட்களுக்கு முன்பு தகராறு ஏற்பட்டுள்ளது. இந்த விவகாரத்தை போலிஸார் சமாதானம் பேசி முடித்து வைத்தபோதிலும், இருதரப்புக்கும் இடையே பகை தொடர்ந்துள்ளது. சம்பவத்தன்று பிரின்ஸ் ஓட்டிச் சென்ற பைக்கின் பின்னால் நிதின் அமர்ந்து சென்றுள்ளார்.

அப்போது பிரின்ஸை இலக்கு வைத்து மித்துவின் ஆதரவாளர்கள் நடத்தப்பட்ட துப்பாக்கிச் சூட்டில், பின்னால் அமர்ந்திருந்த நிதின் மீது 2 குண்டுகள் பாய்ந்தன. ரத்த வெள்ளத்தில் சரிந்த நிதின், அதிக ரத்தப்போக்கு காரணமாகச் சம்பவ இடத்திலேயே பரிதாபமாக உயிரிழந்தார். போலிஸின் அலட்சியமே இந்த அசம்பாவிதத்திற்குக் காரணம் எனக் குற்றச்சாட்டு எழுந்துள்ள நிலையில், தப்பியோடிய கொலையாளிகளைப் பிடிக்க 4 தனிப்படைகள் அமைக்கப்பட்டுத் தீவிர தேடுதல் வேட்டை நடைபெற்று வருகிறது.