ஹலோ… என்னை ஏன் வீடியோ எடுத்தீங்க?… உங்களுக்கு என்ன உரிமை இருக்கு?… மெட்ரோவில் சக பயணியை வெளுத்து வாங்கிய பெண்… இணையத்தில் வைரலாகும் வீடியோ…!

பெங்களூரு மெட்ரோ ரயிலில் பெண் பயணியொருவர் சக பயணி தன்னை அனுமதியின்றி வீடியோ எடுத்ததாகக் கூறி வாக்குவாதத்தில் ஈடுபட்ட சம்பவம் சமூக வலைதளங்களில் வைரலாகி வருகிறது. பெங்களூரு மெட்ரோவின் ஊதா நிறப் பாதையில் பயணம் செய்த அந்த நபர், தனது கைப்பேசியில் அப்பெண்ணை ரகசியமாகப் பதிவு செய்துகொண்டிருந்ததை அப்பெண் கவனித்துள்ளார். உடனே கோபமடைந்த அவர், அந்த நபரிடம் சென்று “என்னை ஏன் பதிவு செய்தீர்கள்? உங்களுக்கு என்ன உரிமை இருக்கிறது?” என்று சரமாரியாகக் கேள்வி எழுப்பியுள்ளார்.

பெண்ணின் திடீர் கேள்வியால் அதிர்ச்சியடைந்த அந்த நபர், தான் எதையும் பதிவு செய்யவில்லை என்றும், தவறுதலாக கேமரா ஆன் ஆகியிருக்கலாம் என்றும் சமாளிக்க முயன்றார். ஆனால், அவரது கூற்றை ஏற்க மறுத்த அப்பெண், தனது கைப்பேசியைக் காட்டி அதில் பதிவான காட்சிகளை உடனடியாக நீக்க வேண்டும் என்று உறுதியாக வலியுறுத்தினார். ரயிலில் இருந்த மற்ற பயணிகளும் அப்பெண்ணுக்கு ஆதரவாகக் குரல் கொடுத்து, அந்த நபரின் செயலுக்குக் கண்டனம் தெரிவித்தனர்.

https://www.instagram.com/p/DfCHLoNCjA1/?utm_source=ig_web_button_share_sheet

இச்சம்பவம் பொதுமடங்களில் பெண்களின் பாதுகாப்பு மற்றும் அவர்களின் தனிப்பட்ட சுதந்திரம் குறித்த விவாதங்களை மீண்டும் எழுப்பியுள்ளது. கூட்ட நெரிசல் மிகுந்த பொதுவெளிகளில் பெண்களின் அனுமதியின்றிப் படம்பிடிக்கும் இதுபோன்ற செயல்கள் சட்டப்படி குற்றமாகும். பெங்களூரு மெட்ரோ நிர்வாகம் மற்றும் காவல்துறையினர், பயணிகளின் பாதுகாப்பை உறுதி செய்யவும், இதுபோன்ற அத்துமீறல்களில் ஈடுபடுபவர்கள் மீது கடுமையான நடவடிக்கை எடுக்கவும் வேண்டும் என்று சமூக ஆர்வலர்கள் கோரிக்கை விடுத்துள்ளனர்.