கட்டுப்பாட்டை இழந்து சீறிப்பாய்ந்த பிக்கப் வேன்… காய்கறி வாங்கப் போன பெண்ணுக்கு நேர்ந்த கொடூரம்… கொந்தளித்த உறவினர்கள்… நடுரோட்டில் பரபரப்பு…!!

ஹாபூர் நகர் கொத்வாலி காவல் எல்லைக்குட்பட்ட புலந்த்ஷஹர் சாலையில் காய்கறி வாங்கச் சென்ற முன்னி தேவி என்ற பெண்மணி மீது, தாறுமாறாக வந்த பிக்கப் வாகனம் மோதி கோர விபத்து ஏற்பட்டது. இந்த அதிவேக மோதலில் படுகாயமடைந்த அவர் சம்பவ இடத்திலேயே பரிதாபமாக உயிரிழந்தார். நெஞ்சைப் பதறவைக்கும் இந்தச் சோக நிகழ்வு முழுமையாக அங்கிருந்த சிசிடிவி கேமராவில் பதிவாகி, அந்த அதிர்ச்சியூட்டும் காணொளி தற்போது இணையத்தில் வேகமாகப் பரவி வருகிறது.

விபத்து நடந்ததைத் தொடர்ந்து, உயிரிழந்த பெண்ணின் குடும்பத்தினர் மற்றும் உறவினர்கள் வாகன ஓட்டுநர் மீது உடனடியாகக் கடுமையான நடவடிக்கை எடுக்க வலியுறுத்தி சாலையில் திரண்டு வாக்குவாதத்தில் ஈடுபட்டதால் அப்பகுதியில் பெரும் பரபரப்பு ஏற்பட்டது. இது குறித்துத் தகவல் அறிந்து வந்த காவல்துறையினர், விபத்தை ஏற்படுத்திய பிக்கப் வாகன ஓட்டுநர் மீது வழக்குப் பதிவு செய்து தீவிர விசாரணை மேற்கொண்டு வருகின்றனர்.