சீரக தண்ணீர் குடிப்பதால் உடல் எடை குறையுமா..? ஆய்வு சொல்வது என்ன..? இதோ தெரிஞ்சிக்கோங்க..!!

உடல் எடையை குறைப்பதற்காக இயற்கையான வழிகளில் ஒன்று தான் சீரக  தண்ணீர். இது ஒரு சிறந்த தீர்வாக கூறப்படுகிறது. நாம் தினமும் காலையில் வெறும் வயிற்றில் ஊறவைத்த சீரகத் தண்ணீர் அல்லது வெதுவெதுப்பான சீரக தண்ணீர்  குடிப்பதன் மூலம் செரிமானதை  மேம்படுத்துவதோடு வளர்ச்சிதை மாற்றத்தை அதிகரித்து உடல் எடையை குறைக்க உதவுகிறது. உண்மையாகவே சீரகத் தண்ணீர் குடித்தால் உடல் எடை குறையுமா? உடலில் ஏற்படும் மாற்றங்கள் என்னென்ன? என்பதை இத்தொடரில் பார்க்கலாம் வாங்க.

சீரகத் தண்ணீரில் ஊட்டச்சத்தின் காரணமாக பல நூற்றாண்டுகளில் இருந்து மருந்தாக பயன்படுத்தப்படுகிறது. இதில் ஆன்ட்டி ஆக்சிடென்ட்கள், வைட்டமின்கள், இரும்பு மற்றும் மெக்னீசியம் போன்ற தாதுக்கள் அதிகமாக உள்ளன. இது செரிமானத்தை மேம்படுத்துதல் மற்றும் வேகத்தை குறைத்தல் போன்ற நன்மைகளை தருகிறது.
சீரகத் தண்ணீர் எப்படி உடல் எடையை குறைக்க உதவுகிறது? என்றால் சீரகத்தில் உள்ள சேர்மங்கள் உடலின் வளர்ச்சிதை மாற்ற விகிதத்தை அதிகரிக்கக்கூடும் இது கலோரிக்களை மிக திறமையாக எரிக்க உதவுகிறது.

மேலும் செரிமான நொதிகளின் உற்பத்தியை அதிகரிக்க உதவுகிறது இது உணவே உடைக்க உதவுகிறது. செரிமானம் அமைப்பே சீராக இயங்க வைக்கிறது. இந்த காரணத்தினால் மறைமுகமாக உடல் எடையை குறைக்க பயன்படுகிறது. தினமும்  காலையில் வெறும் வயிற்றில் சீரகத் தண்ணீர் குடிப்பதால் வயிறு நிரம்பிய உணர்வை கொடுக்கும் அதுமட்டுமில்லாமல் நீண்ட நேரத்திற்கு பசியை கட்டுப்படுத்த உதவுகிறது. இது மொத்த கலோரிகளை சாப்பிடுவதை குறைத்து அளவான உணவை எடுக்க உதவுகிறது.

இந்த நன்மைகள் சீரகத் தண்ணீரை நம்பிக்கைக்குறியதாக மாற்றினாலும், தினமும் காலையில் சீரகத் தண்ணீர்குடிப்பது உடல் எடையை குறைப்பதற்கு தீர்வு அல்ல. ஆரோக்கியமான உணவு மற்றும் உடற்பயிற்சியுடன் சேர்த்து இதை குடிக்கும் போது, நிச்சயமாக உதவுகிறது என ஆய்வு கூறுகிறது. எந்த உடற்பயிற்சியும் இல்லாமல் சீரகத் தண்ணீர் மட்டும் கொடுத்தால் உடல் எடை குறையாது.

ஆய்வில் செல்வது என்னவென்றால் சீரகத்தின் உடல் எடை குறைவதற்கு ஆய்வுகள் இன்னும் குறைவாகவே உள்ளன, 2016 ஆம் ஆண்டு “The Effect of Cumin cyminum L. Plus Lime Administration on Weight Loss and Metabolic Status in Overweight Subjects” என்ற தலைப்பில் வெளியான ஆய்வில்  சீரக தண்ணீருடன் எலுமிச்சை சாறு  சேர்த்து குடிக்கும் போது அதிக எடை கொண்டவர்கள் குறிப்பிடத்தக்க எடை குறைவதாக கூறுகிறது.