ஐயோ… 40 யானை வருது ஓடுங்க… NH-17 நெடுஞ்சாலையை முடக்கிய காட்டு யானைகள்… பீதியில் உறைந்த கிராமங்கள்… நடுங்கவைக்கும் அதிர்ச்சி வீடியோ…!!

அசாமின் காமரூப் மாவட்டத்தில் உள்ள போகோ பகுதி கிராமங்களில், சுமார் 40-க்கும் மேற்பட்ட காட்டு யானைகள் கொண்ட கூட்டம் புகுந்து தொடர் அச்சுறுத்தலை ஏற்படுத்தி வருகிறது. உணவைத் தேடிக் காட்டுப் பகுதியிலிருந்து வெளியேறிய இந்த யானைகள், அங்குள்ள விளைநிலங்களுக்குள் புகுந்து நெல் உள்ளிட்ட பயிர்களைக் கடுமையாகச் சேதப்படுத்தியுள்ளன. இதனால் தங்கள் வாழ்வாதாரம் பாதிக்கப்படுவதாகக் கூறி அப்பகுதி விவசாயிகள் பெரும் கவலையும் வேதனையும் அடைந்துள்ளனர்.

கிராமப்புறங்களைத் தாண்டி, இந்தப் பெரிய யானைக் கூட்டம் தேசிய நெடுஞ்சாலை 17-ல் திடீரென நுழைந்ததால், அப்பகுதியில் கடுமையான போக்குவரத்து நெரிசல் ஏற்பட்டது. நெடுஞ்சாலையைக் கடக்க யானைகள் முயன்றபோது, இருபுறமும் வாகனங்கள் நிறுத்தப்பட்டுப் போக்குவரத்து பல மணிநேரம் பாதிக்கப்பட்டது. பொதுமக்கள் மற்றும் வாகன ஓட்டிகள் யானைகளின் நடமாட்டத்தைக் கண்டு பெரும் அச்சமடைந்தனர்.

https://twitter.com/ndtv/status/2117489660389921093/video/1

மனிதர்களுக்கும் யானைகளுக்கும் இடையிலான மோதல் அதிகரித்து வரும் நிலையில், அசாம் வனத்துறை அதிகாரிகள் சம்பவ இடத்திற்கு விரைந்து நடவடிக்கை எடுத்து வருகின்றனர். பட்டாசுகளை வெடித்தும், மேளங்களை முழங்கியும் யானைக் கூட்டத்தைப் பாதுகாப்பாக மீண்டும் அடர்ந்த காட்டுப் பகுதிக்குள் விரட்டும் பணியில் வனத்துறையினர் தீவிரமாக ஈடுபட்டுள்ளனர். அசம்பாவிதங்கள் ஏதும் நடக்காமல் இருக்க அப்பகுதியில் தொடர் கண்காணிப்பும் பலப்படுத்தப்பட்டுள்ளது.