அடப்பாவி மனுஷா, கணவனின் கன்னத்தில் பளார் விட்ட மனைவி… பொதுக் கூட்டத்தில் ஆடிப் போன மந்திரி.. பரபரப்பு சம்பவம்…!

பெலக்காவி மாவட்டத்திலுள்ள மதினஹல்லி கிராமத்தில் மாவட்ட கூட்டுறவு வங்கி உள்ளது. நேற்று முன்தினம் கூட்டுறவு வங்கிக்கான தலைவர் தேர்தல் நடந்தது. இதில் முதன்மை வேளாண்மை கடன் சங்கத்தில் ஒருவர் போட்டியிட்டார். அதற்காக சங்க உறுப்பினர்கள் அனைவரும் ஒன்று கூடி ஆலோசனைக் கூட்டம் நடத்தினர். இந்தச் சங்கத்தை சேர்ந்த மாருதி என்பவர் சில வாரங்களாகவே மாயமாகி இருந்த நிலையில் திடீரென்று கூட்டத்திற்கு வந்து கலந்து கொண்டார். சதீஷ் ஜார்கிகோளி மந்திரியும் ஆலோசனைக் கூட்டத்தில் கலந்து கொண்டார். அப்போது அங்கு மாருதியின் மனைவி திடீரென்று கூட்டத்திற்கு வந்து மாருதியின் சட்டையை பிடித்து இழுத்துள்ளார். ஒரு வாரமாக எங்கே சென்றாய் என்று கேட்டு கன்னத்தில் சரமாரியாக அறைந்துள்ளார் . இது போன்ற விஷயம் நடந்த போது என்ன பண்ணுவது என்று அறியாமல் திகைத்து நின்றிருந்தார் மந்திரி.  அங்கிருந்த சிலர் கணவன் மனைவியை சமாதானம் செய்து அங்கிருந்து அழைத்துச் சென்றனர்.

இந்த சந்தர்ப்பத்தை பயன்படுத்திய முன்னாள் எம்பி ரமேஷ் கத்தி, மந்திரியிடம் சவால் விட்டார். இந்த நொடியில் இருந்து அரசியல் வாழ்க்கையை மீண்டும் தொடங்குகிறேன் என்றும் அதற்கு இந்தச் சம்பவமே சாட்சி என்று கூறிவிட்டு போலீஸிடம் கோபத்தை வெளிப்படுத்தினார். அதைத்தொடர்ந்து மந்திரி அவர்கள் ஆதரவாளர்களுடன் கூட்டுறவு வங்கிக்குள் நுழைந்தார். முன்னாள் எம்பி ரமேஷ் கத்தி அவர்கள் கடும் எதிர்ப்பை தெரிவித்தார். அதனால் இருதரப்பினர்களுக்கும் இடையே வாக்குவாதம் ஏற்பட்டது. பின்பு கடுமையாக ஒருவரை ஒருவர் தாக்கிக்கொண்டனர். அங்கிருந்து போலீசார் இருதரப்பினரையும்  சமாதானம் செய்து கூட்டத்தை கலைத்து விட்டனர். மாருதி அவர்களை யாரோ கடத்திச் சென்றதாக போலீசாரிடம் வழக்கு பதிவு செய்யக்கோரி குடும்பத்தினர் கோரிக்கை விடுத்துள்ளனர். இந்தச் சம்பவம் பெலக்காவியில் நேற்று பரபரப்பை ஏற்படுத்தி உள்ளது.