“அடே… ஜோசப் விஜய்னு சொன்னா வலிக்குதாம்… ஏன் வலிக்குது?… சீமானை விளாசிய விஜயலட்சுமி… வைரலாகும் அனல் பறக்கும் வீடியோ…!”

நடிகை விஜயலட்சுமி வெளியிட்டுள்ள வீடியோவில், விஜய்யின் ‘ஜோசப் விஜய்’ என்ற உண்மையான பெயரை விமர்சிப்பவர்களுக்குக் கடும் கண்டனம் தெரிவித்துள்ளார். மக்களை ஏமாற்றுவதற்காகப் பொய்யான பெயரைப் பயன்படுத்தாமல் தனது உண்மையான பெயரையே அவர் வைத்திருப்பதாகக் கூறியுள்ள விஜயலட்சுமி, எதைச் செய்தாலும் குற்றம் கண்டுபிடிக்கும் நபர்களைக் கடுமையாகச் சாடியுள்ளார். மேலும், விஜய் மிகவும் நேர்மையான முறையில் அரசியல் செய்து வருவதாகவும் அவர் சுட்டிக்காட்டியுள்ளார்.

சட்டமன்றத்தில் விஜய் அமைதியாக இருப்பதை விமர்சிப்பவர்களுக்குப் பதிலடி கொடுத்த விஜயலட்சுமி, சட்டமன்றம் என்பது கரகாட்டம், ஒயிலாட்டம் ஆடும் இடம் அல்ல என்றும், அது விமர்சிப்பவர்களின் தனிப்பட்ட பிரச்சினை என்றும் காட்டமாகத் தெரிவித்துள்ளார். அத்துடன், தமிழர்களின் பாரம்பரிய உடையான பட்டு வேஷ்டி, பட்டுச் சட்டை அணிந்ததற்காக விஜய்யைக் கிண்டல் செய்வதைக் கண்டித்த அவர், தமிழக மக்கள் புத்திசாலித்தனமாக வாக்களித்துள்ளதாகப் பாராட்டியுள்ளார்.

நாம் தமிழர் கட்சியின் தலைமை ஒருங்கிணைப்பாளர் சீமான் உடனான வழக்குகளுக்குப் பிறகு தற்போது பெங்களூரில் வசித்து வரும் விஜயலட்சுமி, விஜய்யை விமர்சிப்பவர்களைச் ‘சூரியனைப் பார்த்து குரைக்கும்’ வகையினருடன் ஒப்பிட்டுப் பேசியுள்ளார். விஜய்யை சீமான் தொடர்ந்து விமர்சித்து வரும் நிலையில், அவரை மறைமுகமாகச் சாடியே விஜயலட்சுமி இந்த வீடியோவை வெளியிட்டுள்ளதாகச் சமூக வலைத்தளங்களில் நெட்டிசன்கள் பதிவிட்டு வருகின்றனர்.