விஜயை பங்கமாக கலாய்த்த திரிஷா.. வைரலாகும் Throwback video..!!

தமிழ் சினிமாவில் உச்ச நட்சத்திரமாக இருப்பவர் விஜய். இப்போது வெங்கட் பிரபு இயக்கத்தில் உருவாகும் தி கிரேட்டஸ்ட் ஆஃப் ஆல் டைம் படத்தில் விஜய் நடித்துள்ளார். விஜய் என்றாலே சிறு குழந்தை முதல் பெரியவர்கள் வரை அனைவருக்கும் பிடிக்கும். விஜயுடன் ஜோடி சேர்ந்து நடித்த ஏராளமான நடிகைகள் இருக்கின்றனர். சினிமா வாழ்க்கையில் ஒரு முறையாவது விஜயுடன் சேர்ந்து நடிக்க மாட்டோமா என காத்துக் கொண்டிருக்கும் நடிகைகளும் இருக்கின்றனர்.

அந்த வகையில் விஜய் திரிஷா தான் ஃபேவரைட் ஜோடி என்று கூறலாம். விஜயும் திரிஷாவும் இணைந்து கில்லி, திருப்பாச்சி, குருவி உள்ளிட்ட படங்களில் இணைந்து நடித்தனர். குருவி திரைப்படம் 2008-ஆம் ஆண்டு ரிலீஸ் ஆனது. அதிலிருந்து திரிஷாவும் விஜய்யும் சேர்ந்து நடிக்கவில்லை. நீண்ட இடைவெளிக்கு பிறகு லோகேஷ் கனகராஜ் இயக்கத்தில் விஜய் நடித்த லியோ படத்தில் திரிஷா அவருக்கு ஜோடியாக நடித்துள்ளார். ஃபேவரட் ஜோடியை திரையில் மீண்டும் பார்த்ததால் ரசிகர்கள் உற்சாகம் அடைந்தனர்.

இப்போது விஜயும் த்ரிஷாவும் இணைந்து அளித்த பழைய பேட்டி வீடியோ சமூக வலைதளத்தில் வேகமாக பரவி வருகிறது. அந்த வீடியோவில் திரிஷா விஜயை கிண்டல் செய்கிறார். பொதுவாக ஷூட்டிங் இடைவெளியில் விஜய் அமைதியாகவே இருப்பார். யாரிடமும் பேச மாட்டார். ஷூட்டிங் முடிந்து விட்டால் ஒரு சேரை எடுத்து போட்டு சுவருக்கு பக்கத்தில் அமர்ந்து அதையே பார்த்துக் கொண்டிருப்பார். ஒரு மணி நேரம், இரண்டு மணி நேரம் கூட அப்படியே பார்த்துக் கொண்டிருப்பார் என கூறியுள்ளார்.

இதற்கிடையே விஜய் நான் சீனை பற்றி யோசித்துக்கொண்டு இருப்பேன். இவங்களுக்கு சீன் பற்றி கவலை இல்லை. மற்றவர்களுடன் சேர்ந்து அரட்டை அடித்து கொண்டிருப்பார்கள் என கூறுகிறார். உடனே த்ரிஷா இவர் அமைதியாக இருப்பதை பார்த்தால் ஏதோ நாம் தவறு செய்து விட்டோமோ என்று கூட தோன்றும் அந்த அமைதி போரிங்காக இருக்கும் என கூறுகிறார். உடனே விஜய் போரிங்கா நானு கேட்கிறார். இருவரும் சிரித்துக் கொண்டே பேட்டி அளிக்கின்றனர். அந்த வீடியோ சமூக வலைதளத்தில் வேகமாக பரவி வருகிறது.