தமிழக வெற்றிக் கழகத்தில் (தவெக) உட்கட்சி அரசியல் மற்றும் அதிகாரப் போட்டி புதிய உச்சத்தை எட்டியுள்ளதாக வெளியாகி வரும் தகவல்கள் அரசியல் வட்டாரத்தில் பெரும் பரபரப்பை ஏற்படுத்தியுள்ளன. குறிப்பாக, கட்சியின் பொதுச்செயலாளர் புஸ்ஸி ஆனந்த் மற்றும் தேர்தல் மேலாண்மைப் பொறுப்பாளர் ஆதவ் அர்ஜுனா ஆகிய இருவருக்கும் இடையே நிலவி வரும் பனிப்போர், தற்போது வேட்பாளர் தேர்வு மற்றும் தொகுதி பங்கீட்டில் வெளிப்படையான மோதலாக உருவெடுத்துள்ளது.
கட்சியின் ஆரம்பக் காலம் முதலே விஜய்க்கு மிகவும் நெருக்கமானவராக அறியப்படுபவர் புஸ்ஸி ஆனந்த். ஆனால், சமீபகாலமாகத் தேர்தல் உத்திகளை வகுப்பதில் ஆதவ் அர்ஜுனாவின் ஆதிக்கம் அதிகரித்துள்ளதாகக் கூறப்படுகிறது. இதன் ஒரு பகுதியாக, புஸ்ஸி ஆனந்த் போட்டியிட விரும்பிய சோழிங்கநல்லூர் தொகுதிக்குப் பதிலாக, பாஜகவின் செல்வாக்கு அதிகம் உள்ளதாகக் கருதப்படும் தி.நகர் தொகுதியை அவருக்கு ஒதுக்க ஆதவ் தரப்பு காய் நகர்த்தியதாகத் தெரிகிறது. இது புஸ்ஸி ஆனந்தை அரசியல் ரீதியாகக் கட்டுப்படுத்தும் முயற்சி என அவரது ஆதரவாளர்கள் கருதுகின்றனர்.
கூட்டணி விவகாரத்திலும் இருவருக்கும் இடையே கடும் கருத்து வேறுபாடுகள் நிலவுகின்றன. புஸ்ஸி ஆனந்த் தேசிய ஜனநாயகக் கூட்டணியுடன் (NDA) இணக்கமான போக்கைக் கடைப்பிடிக்க விரும்புவதாகவும், ஆனால் ஆதவ் அர்ஜுனா தனித்துத் போட்டியிடுவதிலேயே உறுதியாக இருப்பதாகவும் தகவல்கள் தெரிவிக்கின்றன. சமீபத்தில் நடைபெற்ற மாவட்டச் செயலாளர்கள் கூட்டத்தில், வேட்பாளர்களுக்கான தேர்தல் செலவு மற்றும் நிதி நெருக்கடி குறித்து புஸ்ஸி ஆனந்த் எழுப்பிய கேள்விகள், மறைமுகமாகக் கூட்டணியின் அவசியத்தை வலியுறுத்துவது போலவே இருந்ததாகக் கூறப்படுகிறது.
இந்த அதிகாரப் மோதல் தவெக தலைவர் விஜய்க்குப் பெரும் தலைவலியை ஏற்படுத்தியுள்ளது. வேட்பாளர் பட்டியலில் யாருடைய கை ஓங்கும் என்பதில் நிலவும் இந்தக் குழப்பம், தேர்தல் களப்பணிகளில் தொய்வை ஏற்படுத்தக்கூடும் எனத் தொண்டர்கள் அஞ்சுகின்றனர். 2026 சட்டமன்றத் தேர்தலுக்கு இன்னும் சில வாரங்களே உள்ள நிலையில், கட்சியின் முக்கியத் தூண்களாகக் கருதப்படும் இந்த இரு மூத்த நிர்வாகிகளுக்கு இடையிலான மோதலை விஜய் எவ்வாறு கையாண்டு சரி செய்வார் என்பதே தற்போதைய எதிர்பார்ப்பாக உள்ளது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…