விஜய்யின் தொடக்கக் கால வெற்றி சீக்ரெட் இதுதான்… கச்சிதமாய் காய் நகர்த்திய SAC!

தமிழ் சினிமாவில் இன்றிருக்கும் மிகவும் பிரபலமான நடிகர்களில் ஒருவர் விஜய். தன்னுடைய புகழின் உச்சியில் இருக்கும் விஜய் ரஜினிகாந்தை விட அதிக சம்பளம் வாங்கும் தமிழ் நடிகர் என்ற சாதனையைப் படைத்துள்ளார். அதற்கேற்றார் போல அவரின் சுமாரான படங்கள் கூட நல்ல வசூலைப் பெற்று வருகின்றன.

தற்போது மாஸ் நடிகராக இருக்கும் விஜய், 90 களில் தனக்கான இடத்துக்காக போராடிக் கொண்டிருந்தார். இடையிடையே ஹிட் கொடுத்திருந்தாலும் அவருக்கென்று ஒரு நிலையான மார்க்கெட் கில்லி படத்துக்கு முன்பே உருவானது. அதனால் அதற்கு முந்தைய படங்களில் எல்லாம் தன்னுடைய படத்தில் துறைசார்ந்த பிரபலங்கள் இருக்க வேண்டும், அது படத்தின் பிஸ்னஸுக்கு உதவும் என விரும்புவார்.

அதே போல அவரை அடுத்த கட்டத்துக்கு உயர்த்திய திரைப்படம் என்றால் அது ஏ ஆர் முருகதாஸ் இயக்கத்தில் உருவான துப்பாக்கி திரைப்படம்தான். அந்த படம்தான் முதல் முதலில் விஜய் நடித்ததில் 100 கோடி ரூபாய் வசூல் செய்த படம் என்று சொல்லப்படுகிறது. அதன் பின்னர் விஜய்யின் மார்க்கெட் ஏறுமுகத்தில் சென்று இன்று இந்தியாவிலேயே அதிக சம்பளம் வாங்கும் நடிகராக உள்ளார்.

விஜய் தொடக்கத்தில் நடித்த ஐந்து படங்கள் சரியாக ஓடவில்லை. அதனால் அவரை வைத்து படங்கள் எடுத்த எஸ் ஏ சந்திரசேகர் பொருளாதார ரீதியாக நஷ்டத்தை சந்தித்தார். அதன் பின்னர் விஜய்க்கான ஒரு வெற்றிப்பாதையை எஸ் ஏ சி உருவாக்கினார். அது என்னவென்றால் விஜய்யை ஒரு ஹீரோவாக நிலைநிறுத்த பிற மொழிகளில் ஹிட்டான படங்களின் ரீமேக்கில் விஜய்யை நடிக்க வைப்பது என்பதுதான். அந்த ஃபார்முலா விஜய்க்கு பெரிய அளவில் கைகொடுத்தது.

இப்படி அவர் நடித்த காதலுக்கு மரியாதை, நினைத்தேன் வந்தாய், பிரியமானவளே, பிரண்ட்ஸ், ஷாஜகான், கில்லி, போக்கிரி ஆகிய படங்கள் சூப்பர் ஹிட்ஸ்களாக அமைந்தன. இந்த படங்களின் வெற்றிதான் விஜய்யை இன்று அவரிருக்கும் இடத்துக்கு இட்டு சென்றன என்றால் அது மிகையாகாது.