“பறந்து வந்த ரயில்… தண்டவாளத்தில் பாய்ந்த தந்தை…” குழந்தையை காப்பாற்ற நொடி பொழுதில் எடுத்த தைரியமான முடிவு… இணையத்தை கலக்கும் வைரல் வீடியோ…!!

ரயில் தண்டவாளத்தில் தற்செயலாக விழுந்த சிறு குழந்தையைக் காப்பாற்ற, தந்தை ஒருவர் தனது உயிரைப் பற்றிக் கவலைப்படாமல் அடுத்த நொடியே தண்டவாளத்தில் குதித்துள்ளார். கண்முன்னே அதிவேகத்தில் ரயில் வந்துகொண்டிருந்த போதிலும், தைரியமாகச் செயல்பட்டு குழந்தையைப் பிடித்துக்கொண்டு தண்டவாளத்தில் படுத்துக் கொண்டார். ரயில் அவர்கள் மீது கடந்து சென்ற நிலையிலும், தந்தையின் சமயோசித புத்தியாலும் துணிச்சலாலும் இருவரும் அதிர்ஷ்டவசமாக உயிர் தப்பினர்.

பார்ப்போரின் நெஞ்சை உறைய வைக்கும் இந்த அதிர்ச்சி வீடியோ சமூக வலைதளங்களில் வெளியாகிப் பெரும் வைரலாகி வருகிறது. பெற்ற தாயின் பாசத்திற்கு ஈடுஇணை இல்லை என்று கூறப்பட்டாலும், ஆபத்தான நேரத்தில் தன் உயிரையும் பணயம் வைத்துப் பிள்ளையைக் காக்கும் தந்தையின் தியாகமும் அன்பும் இணையவாசிகளின் மனதை நெகிழ வைத்துள்ளது. தந்தையின் இந்தத் துணிச்சலான செயலுக்குப் பாராட்டுகள் குவிந்து வருகின்றன.